NBA All-Star Game vawi 69-na chu khelh zawh a ni leh ta a, United Centre, Chicago, Illainois-ah khelh niin Chicago Bulls home a ni a, Chicaco chuan a vawi thum nan All-Star Game hi an thlenga kum 1973 leh kum 1988-ah te khan an lo thleng tawh bawk.
Captain te hi Lebron James leh Giannis Antetokounmpo-te an ni a, anni pahnih hi nikum All-Star Game-a captain te tho niin Team Lebron hian hian Team Giannis lakah 157-155 in hnehna an chang.
Team Lebron:
Kumin All-Star Game-ah hian format thar hman a ni a, quarter tin te hi a hrana score theuh niin a tawpah quarter tina score te hi belhkhawm niin, point hmu tam zawk zawk hi an chak.
Team Lebron lamah LA Lakers coach Frank Vogel chu an head coach a ni a, Team Giannis lamah Toronto Raptors coach Nick Nurse chu an head coach a ni ve thung.
Team Giannis:
Los Angeles Clippers star player Kawhli Leonard chuan Kobe Bryant MVP Award a dawnga, he MVP lawmman hi thla hmasaa helicopter che suala nunna chan ta NBA legend Kobe Bryant-a hming put tir a ni. Inkhel tan hma in Kobe-a hriat rengna hun hman a ni a, American zaithiam Jennifer Hudson chuan Kobe thlahna atan hla a sak bawk.
Fourth quarter an khel tan hian Team Lebron hi Team Giannis lakah 133-124 in an hnufual zawka, mahse Team Lebron hian hnehna chang zuiin, Anthony Davis-a free throw chu danglamna thlen tu a ni.
Khel tha zualte:
- Kawhi Leonard, F, Team LeBron: 30 points, seven rebounds, four assists, two steals
- LeBron James, F, Team LeBron: 23 points, six assists, five rebounds, two blocks, one steal
- Chris Paul, G, Team LeBron: 23 points, six assists, two rebounds
- Giannis Antetokounmpo, F, Team Giannis: 25 points, 11 rebounds, four assists, three blocks, one steal
- Kemba Walker, G, Team Giannis: 23 points, three rebounds, three assists, one steal
- Rudy Gobert, C, Team Giannis: 21 points, 11 rebounds, two assists, one block