Cleveland Cavaliers-ah LeBron James chuan contract thar a pawm ta a, kum thum chhun atan LeBron James hian $100m-in contract a ziak ta a ni.
An khaw club Cleveland Cavaliers chu season liamta khan LeBron hian NBA title hmasa ber a lakpui a, an champion atanga thla hnih pawh la tling lovah James chuan contract thar a ziak leh ta a ni.
James hian contract thar chungchanga a lawm thu leh title humhim tura an beih dawn avanga a phur thu a sawi a. Season liamta kha ropui a tih thu leh season tan thuai thuai a nghahhlelh thu a sawi bawk a ni.
James hian season thar atangin $31 million a hlawh tan dawn a, heti a nih chuan NBA player hlawh sang ber a ni dawn ta a ni. Kum 31 mi NBA most valuable player vawi 4 lai lo ni tawh leh NBA title vawi 3 lo la tawh James hian kum 2014 khan Miami Heat atangin an khaw team Cavaliers a zawm a, Golden State Warriors hnehin 2016 NBA champions an ni a, season tharah pawh champion leh ngei tumin an bei dawn a ni.
Picture credit : Getty