12 Oct 2020 10:09

bakteaJr.

Mizo tlangval

​NBA 2019-2020 champions Los Angeles Lakers

Game 5 ah chak zo lo mah se LeBron James  leh a thian ten Game 6 ah hnehna changin NBA champion an ni ta.

Quarter Score:

1st 2nd 3rd 4th

Lakers 28 36 23 19

Heat 20 16 22 35

Total: 106 - 93

Box Score:

LeBron 28pts/14reb/10ast (Triple Double)

Davis 19pts/15reb (Double Double)

KCP 17pts

Danny Green 11pts/5reb

Rajon Rondo 19pts/4reb/4ast

Jimmy Butler 12pts/7reb/8ast

Bam Adebayo 25pts/10reb/5ast (Double Double)

Duncan Robinson 10pts

Jae Crowder 12pts

Team Pahnih khaikhinna

Lakers 48.3% Heat 44.3% FG%

Lakers 31.4% Heat 35.7% 3pt%

Lakers 64.3% Heat 59.1% FT%

Lakers 23 Heat 25 Assist

Lakers 46 Heat 41 Rebounds

Lakers 12 Heat 13 Turnovers

Game 5 ah vanduai zawk ah an tang a game 6 ah erawh mualpho nawn an tum lo, social media lamah selna tamtak an tawk nghal a, a bikin Markieff Morris leh Danny Green ten sel hlawhzualin, Danny Green hian interview naah a nupui hual in thaha vauna a tawh hial thu a sawi chhuak nghe nghe. 

Game 6 ah erawh chak ngei tum in an khel tih a chianga, quarter li khelh turah Heat lam hian 4th quarter ah chiah an score sang zawk a, a bak quarter thumah chuan Lakers hi an chungnung zawk vek a ni. 

LeBron James hian a vawi li nana NBA champion nih a tumna kawng ah game 6 ah hian triple double a nei thei a, Anthony Davis pawn Double Double neiin rebound vawi 15 lai a la thei bawka, hei hian chak an tumzia a tilang chiang kan ti thei awm e. Kan sawi hmaih theih loh chu Rajon Rondo leh KCP te hi an ni, anni pahnih hi a hun takah an rawn che tha thin. 

Heat lamah Jimmy Butler-a'n game hmasa a a khelh ang in a khel thei lova, pts 12 chiah a score thei. Game 5 a khelh hah lutuk khan game 6 ah nghawng a nei pawh a ni thei. Jimmy Butler aia Finals a khel hnem an awm lo. A theihna zawng zawng hlan mahse champion nan a tawk zo lova, defense-ah leh offense-ah Lakers an khelh that tluan avangin Heat tan tihngaihna a awm lo a ni ber e.

Lakers in a vawi 17 na tur atan NBA champions an ni a, Kobe Bryant mitthla ah a lo lang nghal awm e. Finals MVP ah tu dang ni lo in LeBron James a ni.

2019-2020 NBA chu a hmawr bawk a ni ta. 2020-2021 season ah hian Lakers hi an champion nawn thei angem? Nghakhlel takin season thar lo nghak leh phawt mai ang u.