16 May 2019 11:37

bakteaJr.

Mizo tlangval

Naupang zawk te chance pek tum Solskjaer

Manchester United manager Ole Gunnar Solskjaer chuan season tharah United player naupang zawkte chu inkhelhna hun pek tam a tum thu a sawi.

Solskjaer hian nikum December thla atangin United hi a enkawl a, United a enkawl hnu hian player naupang te chu a khelh tir fo. Season tawp ni khan Solskjaer hian Manchester United Young Player of the Season dawngtu Mason Greenwood chu a vawi khat nan Premier League-ah inkhel bul a tan tir nghe nghe. Norwegian manager hnuaiah hian United academy player dang Tahith Chong, Angel Gomes leh James Garner-te pawh vawi khat tal senior team tan an khel theuh tawh.

Solskjaer chuan, “Kan player naupang kawlte hi khawiah emaw season tluantling khel turin an chhuah pawh a tha viau a, mahse an tana tha ber zawk chu kan bulah; khawvela player tha berte bula training an neih hi a ni.

“Player tha ber ber kan lo chher chhuak tawh thin a, chumai ni lovin, kum khat chhung loan-a chhuakte puitling tak taka rawn kir pawh kan nei nual tawh bawk. Heng kan player naupangte awm dan tur hi kan la ngaihtuah dawn a, a tam zawk hi chu kan hnenah an awm ka beiseia, inkhelhna hmun pawh an nei ngei ang,” tiin United official app a hrilh.

Solskjaer-a’n season tawp nia a khelh tir Greenwood chu United chanchina Premier League-a inkhel thei naupang ber a ni.

United hi inthuahfai an ngai dawn viau niin a langa, an duh phawt chuan sum an ngah tih chu zep rual a ni lo. Mahse an player-te chher hriam pawh an manager hian a tum hle niin a langa, United hian an academy player eng emaw zat chu season tharah hian first-team lamah an khelh tir zeuh zeuh a rinawm viau a ni.