Mirme Cup National Taekwondo Championship May ni 5-8 khan Bilimora Gujarat-a khelh zawh takah Mizoram Teakwondo team te Champion in a lawmpuina hun hi Mizoram Amateur taekwondo Association chuan a buatsaih a. Parliamentary Secretary Pu Hmingdailova Khiangte MLA in a hmanpui.
Lawmpuina inkhawm hi MATA President Dr.Rualkhuma Colney chuan a kaihruai a, Rozamliana team leader leh Nl Rosangpuii Hmar Mission team secretary chuan Champion thei tur a an kawng zawh leh an khelh dan chanchin te an sawi bawk.
Dr.Zoramdinthara MATA ECM chuan Pathian hnenah inhlanna a neih zawh hnuah Pu R. Lalrinmawia MATA ECM chuan lawmthu sawina a neih hnuah player te hnen a thilpek hlanna hun MATA, SYS Academy leh club hotuten an hmang bawk.
Pu Hmingdailova chuan Teakwindo team te an Champion theih avang a lawm thu sawiin sawrkarin mizo thalai te infiamna lama hma an sawn zel theih nan hmun hrang hrangah infrastructure a siam thu te Taekwondo Hall pawh feih fel anih thu a sawi tel bawk a, heng hall te hi hmang tangkai zel a, National Champion pui zel nan hmang turin taekwondoist te a fuih bawk. Thilsual ni rengsi sual lo ang maia kan ngaih kan ti nasa ta hle a, siam tha turin moral reformation kan mamawh a siamtha turin Taekwondoist leh nu leh pa te hma la turin a sawm.
Mizoram aiawh tute hi Mizoram Mission Team in an tel a. Inelnaah hian endikna hrang hrang Basic technique, Aerobic, Creative Poomsae, Flip, Breaking, Self-defence te endik a ni a, Mizoram Mission Team te chu an chung nung hle a ni. Champion team hian Trophy leh tangka fai Rs 1,51,000/- an dawng a, Mimal lawman 2nd Best Performer Rs 20,000/- pawh Team Leader Dominic Rozamliana'n a dawng nghe nghe a ni.
Mizoram Teakwondo team te hi an endiknaah hian an che tha hle bawk. Champonship sponsore-tu Korea ram atanga endik tura local Master Shin Min Cheol-a chuan "Mizo te chu skill an nei tha a, thil an thiam hma bik; an thiamna hi reilo teah world class an ni thei" a ti.
Taekwondo-ah hian Kyorugi(fighting), Poomsae(Form), Aerobic, Breaking leh Demonstration inelna te a awm thin a, World level thlenga inelna awm vek a ni. Demonstration Competition bik hi India ramah a vawi khat buatsaihna ni nghe nghe a ni.
Player te: 1.Dominic RozamlianaTuikual/SYS 2.Angela LalremruatiElectric Veng/SYS 3.ZohmingthangaBilkhawthlir/SAI 4.Albert LalrinfelaSerchhip/SDATA 5.Francis LalnunhlimaArmed Veng/AVSTC 6.NS MuaniElectric veng/ATA 7.LalsangpuiChawlhhmun/SYS 8.LaltanpuiaChawnpui/CTC 9.Alban LalfakawmaElectric Veng/SYS 10.Reshi Raj TamangThuampui/SYS