Mizoram State Mixed Martial Arts Association (MISMA) tirhin mi paruk chuan 28/07/18 khan Kolkata-ah Mizoram aiawhin national pro Submission Grappling championship (Brazilian Jiu-Jitsu no gi event) leh national Fitness challenge-ah an tel a. India rama grappler ṭhate inlanna hun a ni nachungin medal an rawn hawn vek a ni.

Heng fighter parukte hi Dawrpui Contact Sports (DCS) member an ni a; DCS hian a sponsor a ni. DCS President Pu Lalhlimpuia Khiangte chuan tun aia sâng thleng thei tura promote zel an tum thu a sawi. MISMA President pu Lalṭhakima pawhin sponsor-te chungah lawm thu a sawi bakah Mizoram mai ni lova India ram aiawha la khel thei turin MISMA chuan hma lakpui zel a tum thu a sawi.

Uluk takin DCS training center SPES Gym, Dawrpuiah MISMA technical chairman Samuel Lalrozama leh coach Zorellianate hnuaiah training an neih hnuah hetiang hlawhtlinnate hi an rawn hawn a ni:

1. Lalduhawma Fanai, Lunglei Chanmari - 75 kg Silver medal leh cash award

2. Lalruatsanga, Kanan/ JNV Thingsulthliah school -55 kg Silver medal leh cash award

3. Clement Lalrinpuia, Mission veng/ Champhai vengthlang -60kg Bronze medal

4. Zothansanga Hlawndo, Ramhlun South -75 kg Bronze medal

5. Lalhriathlua, Chhiahtlang -60 kg Bronze medal

6. V.L.Sangzela, Chhingchhip/ College veng-national Fitness Challenge Bronze medal