5th Hockey India National Sub-Junior Girls Hockey Championship 2015 Ranchi-a khelh zawh takah Mizoram chuan an khingpuite hneh vekin an champion ta a ni.

May ni 26, 2015 tlai dar 5:30-ah final khelh a ni a, Mizoram team chuan 9-0 laiin an khingpui Patiala an sawp a, Mizoram hi 5th Hockey India National Sub-Junior Girls Hockey Championship 2015 -ah an champion ta a ni.

Mizoram tan F Lallawmpuii chuan goal 4 a khung a, Lalrindiki chuan goal thum khungin, Lalsangzuali leh Lalremsiami ten goal khat ve ve an khung. Coach Lalrothuami leh manager F Vanlalveni kaihruaina hnuaiah Mizoram hian an khingpuite an sawp thin hle.

He tournament-ah hian Mizoram hian Vidarbha chu 16-0 laiin an sawp a, Uttarakhand phei chu 29-0 laiin an sawp bawk. Mizoram hmachhawn turin Goa an inlan thei lova, Chandhigarh nen an intum tawk hle a, Mizoram hian 3-2 in Chandhigarh pawh an hneh bawk a ni.