09 Sep 2019 10:26

inkhel

National Sub-Junior Basketball Championship-ah Mizoram an Champion

46th National Sub-Junior Basketball Championship chu September 3-9, 2019 chhung khan (Cuttack, Odhisa) ah khelh a ni a, September ni 9, Thawtanni tlai dar 4:00 khan Mizoram leh Punjab chuan final an khel a, Mizoram chuan 51-46 a Punjab hnehin an champion a,  Medal-an dawng bawk.

Team pahnih te inkhel a hmuhnawm a, an intluk tswk hle. Inkhel phat atangin game a rang a, Mizoram player te an khêl zâwn chho hle nanga chau âwm angin an lang lo.

Punjab leh Mizoram hi an inlehthal chhâwk a, half time hnuah erawh Punjab in hma an hruai char char deuh thaw a Mizoram hian hun pawimawh takah hun tawp lamah mawi tak maiin an pawt thla a, inhnehtâwk takin Mizoram an champion ta a ni.

Mizoram team hian tawngtaipuina a dawng nasa hle niin a lang a, player, coach te leh manager te nen an thawhhona a tha in an inlungrual tih a lang, an zinkawng hi a awlsam êm êm bîk lo. An tum ruhna leh huaisenna ten dinhmun sâng berah a hlangkai ta a ni.

Pathian an au nasa a, Mizoram team te pawn malsawm tlâkin an khêl a tih theih awm e. Mizoram Team tha tak thlang chhuâk a enkawltu Mizoram Basketball Association te an fakawm hle.

Mizoram tân theihtawp an chhuah a, team tha a din thei hi a hlu hle a ni. State dang ten a nau en a an en leh champion a an rin loh mi tê anga an en Mizoram Team chuan a kalkawngah team tha zawk anga lang te pawh an hneh chho a, final-ah phei chuan India rama Basketball inpui an tih mai Punjab hiâl an hneh ta a ni.

Mizoram tâna an theihna zawng zawng hlân tu Mizoram Team te kan chhuâng e.