25 May 2015 08:09

PC Lala

inkhel correspondent and photographer

​National Mortorcycling Racing-ah Malsawmdawngliana

FMSCI Indian National Mortorcycling Racing Championship, 2015 Round 1 hmachhawn turin vawiin khan Malsawmdawngliana s/o Lalduhawma, Kanan Veng chuan Aizawl chhuahsanin Chennai a pan.

June 5-7, 2015 chhunga India ram pum huap inelna tur Bike intlansiakah Malsawmdawngliana hian Yamaha R-15 intihsiak a hmachhawn dawn a, hei hi 165 cc Group D National championship a ni. Hei bakah hian Suzuki Company-in an buatsaih tur One Make Race-a Gixxer 150cc inelnaah a tel nghal bawk ang. Suzuki One Make Race hi June 4-6, 2015 chhunga neih tur a ni. Heng intlansiak pahnihte hi KMS, Coimbatore-a neih ve ve tur a ni.

Mizoram MotorSports Association (MiMSA) rider Malsawmdawngliana hi Chennai intlansiakna kawngah hian a mikhual tawh lem lova, novice class atanga bul tan chhovin a thiam rual inelna huangah a lut chho ta zel a ni.

Chennai bakah Formula One-a Indian GP tlanna kawng Noida-a Buddh International Circuit-ah nikum khan Federation of MotorSports Club of India (F.M.S.C.I) One Make Race-ah CBR Honda 150 CC khalhin Novice class-ah pahnihna ni.

Malsawmdawngliani hi Mizoram racing hnuhnung ber May thlatira Suszuki 10th MiMSA Motorcycle Racing Championship 2015-ah khan 161-250cc Expert Stock Class-ah pahnihna a ni bawk.

Source : Brain Hauhnar