Volleyball Federation of India (VFI) in December 25 - 30, 2021-a Burdwan, West Bengal-a buatsaih tur National Junior Volleyball Championship-ah MVA chuan Mipa leh Hmeichhe Team tir turin a inbuatsaih mek a. Team Mizoram te hian December 23, 2021 hian Lengpui atangin Kolkata an pan ang. VFI Vice President & Sr. Vice President, MVA Dr. Lalmalsawma Nghaka chuan Mizoram Team kalna tùr atan ruahmanna hrang hrang a neihpui bawk.
Mipa Team hi NIS Coach, Tv. Eric Pautu chuan enkawlin, TNT Muanna vengah Camping neihpui an ni a. Dr. Sangthankima te'n Team Mizoram Boys camp hi an thleng a, an chungah MVA hruaitute an lawm hle. Team Manager, Pu Ngura chuan hneh takin mamawh tul hrang hrang a ngaihtuah sak a, Player te'n nuam an tiin, inbuatsaihna vawrtawp an thleng tawh a ni.
Hmeichhe Team, District dang atanga rawn kalte hi Mizoram Volleyball Association Office, Tuikual North Indoor Stadium-ah camp pui an ni a, Aizawla awm te erawhin mahni In atangin Practice an zawm thin bawk a. Coach Pu Donald Khawlhring hoin, zing leh tlaiah Tuikual North Indoor Stadium-ah ngawrh taka practice thin a ni a. Team Manager, Tv. Vida Hrahsel Saza chuan Team mamawh hrang hrang a buaipui thung a ni.
Team Mizoram Boys & Girls ah hian MVA chuan beiseina sang tak a nei a, Medal la ngei tura ngaih leh beisei thlanchhuah te an nih thu an sawi. Kristiante hunpui kalsana inkhel tur an ni hi hrehawm ti viau mah se, Pathian ram zauhna tùr a nih ngei beiseiin, chutiang taka an khelh chhuah theih nan leh sakhaw dangte entawn tlaka dinhmun sâng taka an din theih na'n Mizoram mipuite'n nasa taka tawngtaipui turin an sawm bawk a ni.
Team Mizoram Tracksuit hi Pu John Lalpeka, GIG Motors neitupa leh MVA Patron ni bawk chuan a tum sak a. Hmeichhe Jersey hi Women & Child Development, Social Welfare chuan tum sakin; Mipa Jersey hi Pu K. Lalthanzama, Owner Joseph Construction & Executive Member, MVA chuan a tum sak thung a. Team Boys & Girls mawza hi Pu Lalchhuanmawia (Machhuana), Tuikual North, Executive Member, MVA, chuan a tum sak bawk. Team Mizoram Volleyball hi Mizoram State Sports Council (MSSC) bultuma kal an ni dawn thung a, thilpek petu leh MSSC chungah MVA hruaitute an lawm tak zet a ni.
MIPA TEAM
1. Lalbiakmuana (V. Captain), Chhinga veng Durtlang North Volleyball Club, Aizawl District
2. Remsangzuala (Captain), Hunthar veng Hunthar Volleyball Club, Aizawl District
3. Sadrak, Muanna veng, TNT Volleyball Club Aizawl District
4. Lalhmingsanga, Venghlui, Durtlang North Volleyball Club, Aizawl District
5. C. Zonunmawia, Maubawk Veng Durtlang North Volleyball Club, Aizawl District
6. Zosangzuala, Kanan veng, TNT Volleyball Club, Aizawl District
7. Fabian Lallunghnema, Electric Veng, Durtlang North Volleyball Club, Kolasib District
8. R.Vanlalmawia, College Veng, College Veng Volleyball Club, Kolasib District
9. Vanlaltanchhana, Kawnpui, TNT Volleyball Club, Kolasib District
10. Vanlaltanpuia, Tlangsam, Durtlang North Volleyball Club, Champhai District
11. Laldinchhunga, Tlangsam, TNT Volleyball Club, Champhai District
12. H.lalnuntluanga, Electric Veng, Tuikual North Volleyball Club, Hnahthial District
COACH: Eric Lasangliana Pautu, Zemabawk Veng, Aizawl.
MANAGER: H. Vanlalngura, Tuikual North, Aizawl
HMEICHHE TEAM
1. Elina B.Lalenkawli, Durtlang Volleyball Club, Siaha District.
2. Lalramliani, (V. Captain),Durtlang Volleyball Club, Aizawl District.
3. Laltluangzeli, Bethlehem VT Volleyball Club, Kolasib District.
4. Flora Lalrinmawii, Bethlehem VT Volleyball Club, Kolasib District.
5. C.Lalnunpuii, Kanan Volleyball Club, Aizawl District.
6. F.Lalparmawii, Bungkawn Volleyball Club, Champhai District.
7. Esther Lalringzeli, Pehlawn, Aizawl District.
8. Malsawmzeli, Darnam, Serchhip District.
9. R.Laltleipuii, Serkawn, Lunglei District.
10. Lalfeli, Tualbung, Saitual District.
11. CS.Zonunmawii (Captain) Durtlang Volleyball Club, Champhai District.
COACH: Donald Lalthanmawia Khawlhring, Kanan Veng, Aizawl.
MANAGER: David Zochhuanmawia, Electric Veng, Aizawl.