Inrinni liamta khan Argentina leh El Salvador inkhel hmain national anthem play sual a ni a, El Salvador anthem play turah Manx national anthem play daih a ni.

He friendly match hi Maryland-a FedExField stadium-ah khelh a ni a, mipui 50,000 vel stadium-ah hian an awm. An hnam hla paly anih dawn veleh El Salvador player-te chuan an awmah an kut an dah a, mahse Isle of Man anthem, 'O Land of Our Birth' play anih tak avangin an kut hi zawi muangin an dah thla leh a an hnam hla chu ‘Himno Nacional de El Salvador’ a ni.

Hetia national an play sual hnu hian Salvador fans lam chuan bengchheng an siam nasa hle a, an player-te pawh an lungawi lo tih a hriat.

Exhibition match buatsaihtu CMS Sports chuan an tihsualah mawh an la ngam a, ngaihdam dilin a thlen nawn tawhloh nan hma an lak tur thu pawh an sawi.

He inkhelah hian Argentina 2-0 in an chak a, Ever Benega leh Federico Mancuello-te'n goal khat ve ve khungin Lionel Messi erawh a khel lo.

An inkhelhna FedExField stadium hi Washington Redskins American football team khelmual a ni.