26 Oct 2019 09:10

bakteaJr.

Mizo tlangval

​Nakkuma chawlh tum Tyson Fury

British heavyweight boxer Tyson Fury chuan nakkumah 2020 hian fight pathum neih theih a inbeiseia, nakkum kum tawp hian a fight hnuhnung ber neih a tum niin a lang.

Kum 31 mi Fury hian tun thla thla October ni 31 hian WWE-ah a vawi khat nan a fight dawn a, nakkum kum tir lamah WBC world heavyweight champion lai Deontay Wilder nen inhnek tur a ni bawk.

Fury chuan, “Nakkumah hian fight pathum neih theih ka inbeiseia, Wilder nen February thlaah kan inhnek dawn a, June thlaah Wilder bawk hnek leh ka inbeiseia, chuan December thlaah inthlahna fight ka neih leh theih ka beisei bawk,” tiin BBC Sport a hrilh.

Sawi zelin Gypsy King chuan, “Boxing hi chu kum upa lam lo tan a ni a, a tul bak aia rei khelh ka tum lo. Kum 31 ka ni a, ka tan boxing hi a hahthlak lam a ni tan tawh, boxer naupang rawn chawr chhuak an awm meka, mahse upatna hi chuan tu mah a hmaih lo a ni.

“In lamah fa panga leh nupui ka nei a, ka nuna kan inpek ral zawng zawng hnuah hian an hnena hun hman ve deuh tawh hi tha in ka hre bawk a ni,” a ti.

Sawi tawh angin tun thla tawp hian WWE event-ah Fury a inlan dawn a, Crown Jewel, Saudi Arabia-a neih turah Braun Strowman nen inhmachhawn dawnin, he event hian ngaihven a hlawh zual phah hle a ni.