10 Sep 2018 11:46

inkhel

Nadal leh Halep khum thei an la awm lo

Association of Tennis Professionals’ (ATP) ranking thar berah Rafael Nadal chu a chung berah a la awm zel a, Women’s Tennis Association (WTA) ranking-ah pawh Simona Halep khum thei an la awm lo.

Spanish star Rafael Nadal hian point 8,760 a hmu a, pakhatna a la nih chhuzawm zel a, amah hnaih bertu chu Roger Federer niin, Swiss superstar hian point 6,900 a hmu a. Pathumna Novak Djokovic chuan point 6,445 a hmu a, a dawt chiaha awm Juan Martin del Potro chuan point 5,980 a hmu a ni.

Point 4,890 hmutu Alexander Zverev chu pangana a ni a, Marin Cilic chu paruknaah awmin, point 4,715 a hmu a. Grigor Dimitrov chuan point 3,755 hmuin pasarihna a ni a, pariatnaah point 3,665 hmuin Dominic Thiem a awm a. Pakuanaah point 3,595 hmutu Kevin Anderson chu awmin, John Isner chuan point 3,470 hmuin Top 10 huangah a awm chiah a ni.

Romanian Simona Halep chuan point 8,061 hmuin WTA ranking lamah hma a la hruai chhunzawm zel a, Caroline Wozniacki chu pahnihnaah a awm a, point 5,975 a hmu a. Point 5,425 hmutu Angelique Kerber chu pathumnaah a awm a, point 4,725 hmutu Caroline Garcia chu palina a ni.

Top 10-ah hian Petra Kvitova, Elina Svitolina, Naomi Osaka, Karolina Pliskova, Sloane Stephens leh Jelena Ostapenko te an awm a. US Open champion thar Naomi Osaka chu a hma aiin hmun 12 ngawtin a sang a, 7-naah a awm a ni.

ATP Ranking Top 10:

1. Rafael Nadal (Spain) 8,760 points

2. Roger Federer (Switzerland) 6,900

3. Novak Djokovic (Serbia) 6,445

4. Juan Martin del Potro (Argentina) 5,980

5. Alexander Zverev (Germany) 4,890

6. Marin Cilic (Croatia) 4,715

7. Grigor Dimitrov (Bulgaria) 3,755

8. Dominic Thiem (Austria) 3,665

9. Kevin Anderson (South Africa) 3,595

10. John Isner (USA) 3,470

WTA Ranking Top 10:

1. Simona Halep (Romania) 8,061 Points

2. Caroline Wozniacki (Denmark) 5,975

3. Angelique Kerber (Germany) 5,425

4. Caroline Garcia (France) 4,725

5. Petra Kvitova (Czech Republic) 4,585

6. Elina Svitolina (Ukraine) 4,555

7. Naomi Osaka (Japan) 4,115

8. Karolina Pliskova (Czech Republic) 4,105

9. Sloane Stephens (US) 3,912

10. Jelena Ostapenko (Latvia) 3,787