Nadal leh Halep an la chungnung ber

06th August 2018, 11:08PM

Ranking thar berah Rafael Nadal chu mipa lamah a la chungnung ber a, hmeichhe lamah Simona Halep chu pakhatna a la ni bawk.

ATP Ranking tharah Spanish star Rafael Nadal chuan point 9,310 a hmu a, amah hnaih bertu Switzerland star Roger Federer chuan point 7,080 a hmu a. Tun hnaiah Nadal hian Wimbledon semi final khelh rei ber dawttuah Novak Djokovic a hneh lo a, heti chung hian pakhatna a la ni zel tho a ni.

Top 10 player te hi an dinhmun a inthlak danglam meuh hlawm lo a, South African Kevin Anderson chu paruknaah a tla a, paruknaa awm Bulgarian Grigor Dimitrov chu panganaah a chho ve thung a, anni chiah hi a chunglam 10 zinga che sawn awm chhun an ni.

Martin Klizan, Slovakia chuan hmun 35 ngawtin hma a sawn a, 77-na a ni thei a. Klizan hi Kitzbuhel, Austria a Generali Open-ah a champion a, hei vang hian hma a sawn chho dawrh a. Australian Alex de Minaur pawhin hmun 27 ngawtin hma a sawn bawk a, Washington Open runner-up a nih vangin 45-naah a chho a ni.

Thla hmasa khan vawi 17 ngawt Grand Slam champion ni tawh Nadal hian ama hming chawi tournament - Rafa Nadal Open chu a tlangzarh a, ATP Challenger tour peng pakhat hi August 25 atanga September 2 chhungin Nadal te khua Manacor, Mallorca ah an khel dawn a ni.

WTA Ranking lampangah Romanian star Simona Halep chu pakhatna niin point 7,511 a hmu a, pahnihnaa awm Caroline Wozniacki, Denmark chuan point 6,660 a hmu a. Sloane Stephens, USA chuan point 5,492 hmuin pathumna dinhmun a hauh bawk.

Mihaela Buzamescu, Romania chuan San Jose-ah 6-1, 6-0 a Maria Sakkari, Greece hnehin WTA title a lak avangin Top 20-ah a lut ve thei a. Svetlana Kuznetsova, Russia chuan 4-6, 7-6 (7), 6-2 a Donna Vekic, Croatia hneha Washington Open title a lak avangin hmun 41 ngawtin hma a sawn a, 87-na a ni.

ATP Ranking Top 10:

1. Rafael Nadal (Spain) 9,310 Points

2. Roger Federer (Switzerland) 7,080

3. Alexander Zverev (Germany) 5,665

4. Juan Martin del Potro (Argentina) 5,455

5. Grigor Dimitrov (Bulgaria) 4,610

6. Kevin Anderson (South Africa) 4,355

7. Marin Cilic (Croatia) 3,905

8. Dominic Thiem (Austria) 3,665

9. John Isner (USA) 3,490

10. Novak Djokovic (Serbia) 3,355

WTA Ranking Top 10:

1. Simona Halep (Romania) 7,511 points

2. Caroline Wozniacki (Denmark) 6,660

3. Sloane Stephens (USA) 5,492

4. Angelique Kerber (Germany) 5,305

5. Elina Svitolina (Ukraine) 5,020

6. Caroline Garcia (France) 4,680

7. Garbine Muguruza (Spain) 4,535

8. Petra Kvitova (Czech Republic) 4,505

9. Karolina Pliskova (Czech Republic) 4,485

10. Julia Goerges (Germany) 3,900

Copyright © inkhel.com 2024. All rights reserved.