Rafael Nadal chu Thawhtannia Association of Tennis Professionals (ATP) world singles ranking chhuak tharah a la chungnung ber.
Spaniard Nadal hian point 7,660 hmuin World No. 1 a la nih chhunzawm zel a, a hmaa pahnihnaa awm Roger Federer chu pathumnaah a tla thla a, a dinhmun luah thinah Novak Djokovic chu a awm ve thung a ni.
Serbian Novak Djokovic chuan Shanghai Masters title chu a vawi lina atan Pathianni khan a la a, point 7,445 hmuin pahnihna hi a ni a. A chungnung bera awm Rafael Nadal aiin point 215 chauhin a hniam tawh a, kumin tawp hmaa No. 1 ni thei dinhmunah a ding tan mek a ni.
Top 10 ah hian a dang chu a hmaa mi nen danglam a awm hran lo a, Juan Martin del Potro chu palinaah awmin, Alexander Zverev chu panganaah a awm bawk a. Marin Cilic chu parukna niin, pasarihnaah Dominic Thiem a awm.
Pariatnaah Kevin Anderson awmin, pakuanaah Grigor Dimitrov a awm a, John Isner chu Top 10-ah hian a lang chiah bawk.
Hmeichhe lamah Simona Halep chu pakhatna a la ni zel bawk a, Women’s Tennis Association (WTA) ranking chhuak thar berah Romanian star khum thei an la awm lo.
Simona Halep hian point 7,421 hmuin pakhatna dinhmun hi a la luah zel a, point 6,461 hmuin Caroline Wozniacki chu pahnihna a ni a. Angelique Kerber chuan point 5,400 hmuin pathumna a ni a, Japanese nula Naomi Osaka chu palinaah awmin point 4,740 a hmu a ni.
Czech Republic star Karolina Pliskova chu a hma aia hmun khatin a sang a, panganaah a awm a, a hmaa he dinhmun luahtu Elina Svitolina chu paruknaah a chhuk ve thung a ni.
ATP Top 10:
1. Rafael Nadal (Spain) 7,660 points
2. Novak Djokovic (Serbia) 7,445
3. Roger Federer (Switzerland) 6,260
4. Juan Martin del Potro (Argentina) 5,860
5. Alexander Zverev (Germany) 5,025
6. Marin Cilic (Croatia) 4,185
7. Dominic Thiem (Austria) 3,825
8. Kevin Anderson (South Africa) 3,775
9. Grigor Dimitrov (Bulgaria) 3,440
10. John Isner (United States) 3,290
WTA Top 10:
1. Simona Halep (Romania) 7,421 points
2. Caroline Wozniacki (Denmark) 6,461
3. Angelique Kerber (Germany) 5,400
4. Naomi Osaka (Japan) 4,740
5. Karolina Pliskova (Czech Republic) 4,465
6. Elina Svitolina (Ukraine) 4,350
7. Petra Kvitova (Czech Republic) 4,255
8. Sloane Stephens (USA) 4,022
9. Julia Gorges (Germany) 3,785
10. Kiki Bertens (The Netherlands) 3,740