Wimbledon seeding list an ti chhuak a, hetah hian Rafael Nadal chu pathumnaah a awm a, a lung a awi lo hle.
Seeding-ah hian World No. 1 Novak Djokovic chu pakhatnaah a awm a, a dawt chiahah hian Nadal chuan a awm a inbeisei laiin, World No. 3 Roger Federer chu a awm daih thung a. World No. 2 Nadal hi pathumnaah a awm avangin a lungawi ta lo a, Wimbledon thuneitute chu a dem hle a ni.
All-England Club chuan seeding an siam dan hi Australian Open, French Open leh US Open te tih dan ang lo deuh hlekin an ti thin a. Grass court bika an chet dan behchhana seeding hi siam an nih avangin Nadal pawh hi Federer hnuaiah a awm phah niin an sawi.
Rafael Nadal chuan, “An tih dan hi a dik thei lo. Seeding an siam dan hi a pangngai lo bik hle a, Wimbledon-ah bak hetiang hian an ti ngai lo. Mi zawng zawngin an kalphung hi zawm se chu engtin mah ka ti lo ang a, chutiang chu a nih loh avangin ka lung a awi thei lo a ni,” a ti.
“Eng pawh ni se, a nih tur ang chu a ni vek tawh tho a, second seed emaw, third seed emaw pawh ni ila, theihtawp chhuahin chak theih ngei tumin ka khel char char zel dawn a. Dinhmun sang thei ang ber thlen tumin ka khelh apiangin tan ka lak chhunzawm zel ang,” a ti bawk.
A sawi zelnaah, “Ka lungawi lohna chhan hi keimah bik vang liau liau a ni hauh lo a. Tum dangah pawh player te chu kum tluanin an che tha chho a, mahse Wimbledon chuan khatiang kha an en tel mang lo a, ranking sang taka an awm kha ngaipawimawh duh loin a hranpain seeding hi an siam zel a. Hetianga an tih vang hian fixture pawh tournament dang aiin a felfai lo deuh tlangpui a ni,” a ti.
Kum 33-a upa Nadal hi Djokovic pawhin a thlawp thu a sawi chhuak ve bawk a. Seeding an tih chhuah tirh pawhin pahnihnaa Nadal a awm lo chu mak a tih thu a sawi chhuak.
Kum 32-a upa Djokovic chuan, “Roger hi tennis player ropui ber chu a ni chiang mai a, Wimbledon title pawh player dang zawng zawngte aiin a la hnem tawh a. Chet that avanga zah kai tur an awm a nih chuan Roger Federer baka chutiang dinhmuna din phu chu an awm lo,” a ti.
“Hetiang hi a nih rualin second seed ni turin Rafael Nadal ber kher a khum a, hei hi chu a mak viau mai a, zep rual lohin a felhlel deuh chu a ni,” a ti bawk.
World No. 8 Kevin Anderson chu palinaah a awm a, hetianga a awm theih chhan hi nikum lama pahnihna a nih vang kha a ni.
Wimbledon 2019 seedings:
Men's Singles
1 Novak Djokovic (SRB)
2 Roger Federer (SUI)
3 Rafael Nadal (ESP)
4 Kevin Anderson (RSA)
5 Dominic Thiem (AUT)
6 Alexander Zverev (GER)
7 Stefanos Tsitsipas(GRE)
8 Kei Nishikori (JPN)
9 John Isner (USA)
10 Karen Khachanov (RUS)
11 Daniil Medvedev(RUS)
12 Fabio Fognini (ITA)
13 Marin Cilic (CRO)
14 Borna Coric (CRO)
15 Milos Raonic (CAN)
16 Gael Monfils (FRA)
17 Matteo Berrettini (ITA)
18 Nikoloz Basilavshili (GEO)
19 Felix Auger-Aliassime (CAN)
20 Gilles Simon (FRA)
21 David Goffin (BEL)
22 Stan Wawrinka (SUI)
23 Roberto Bautista Agut (ESP)
24 Diego Schwartzman (ARG)
25 Alex de Minaur (AUS)
26 Guido Pella (ARG)
27 Lucas Pouille (FRA)
28 Benoit Paire (FRA)
29 Denis Shapovalov (CAN)
30 Kyle Edmund (GBR)
31 Laslo Djere (SRB)
32 Dusan Lajovic (SRB)
Women's Singles
1 Ashleigh Barty (AUS)
2 Naomi Osaka (JPN)
3 Karolina Plisova (CZE)
4 Kiki Bertens (NED)
5 Angelique Kerber (GER)
6 Petra Kvitova (CZE)
7 Simona Halep (ROU)
8 Elina Svitolina (UKR)
9 Sloane Stephens (USA)
10 Aryna Sabalenka (BLR)
11 Serena Williams (USA)
12 Anastasija Sevastova (LAT)
13 Belinda Bencic (SUI)
14 Caroline Wozniacki (DEN)
15 Qiang Wang (CHN)
16 Marketa Vondrousova (CZE)
17 Madison Keys (USA)
18 Julia Goerges (GER)
19 Johanna Konta (GBR)
20 Anett Kontaveit (EST)
21 Elise Mertens (BEL)
22 Donna Vekic (CRO)
23 Caroline Garcia (FRA)
24 Petra Martic (CRO)
25 Amanda Anisimova (USA)
26 Garbine Muguruza (ESP)
27 Sofia Kenin (USA)
28 Su-Wei Hsieh (TPE)
29 Daria Kasatkina (RUS)
30 Carla Suarez Navarro (ESP)
31 Maria Sakkari (GRE)
32 Lesia Tsurenko (UKR)