20 May 2019 03:37

bakteaJr.

Mizo tlangval

​Nadal-a’n kumina a title hmasa ber a la

Italian Open khelh zawh a ni a, final-ah world no 1 Novak Djokovic leh world no 2 Rafael Nadal-te intumin, Nadal hi 6-0, 4-6, 6-1 in a chaka, a champion.

Kuminah Nadal hian a vawi khat nan title a la a, a court hman thiam em em clay-court ah world no.1 a hneha, a Italian Open title pakuana a la ta a ni.

Minute 39 chhung lekin Nadal hian first set a la a, 6-0 laiin a la. Djokovic chuan second set-ah Nadal bei letin set a la ve leha, last set-ah Nadal chungnung leh zawk viauin 6-1 in Spaniard player hian third set a la a, darkar hnih leh minute 25 chhung an khel.

‘King of Clay’ Nadal chuan tun thla a neih tur French Open a tan inrintawkna a neih nasat phah hle dawna, tennis awm tirh ata clay court hmang thiam bera chhal theih Nadal hi a inhliam te a nih loh chuan French Open-ah a champion lovang tih a sawi theih lo.

Nadal hi kumin January thla khan Australian Open final-ah Djokovic chuan a lo hneh tawh a, hemi hnu hian semi-final vawi li lut leh tawhin tunah erawh a hlawhtlinga, French Open khel turin a inpuahchah lehnghal a ngai dawn.

Nadal leh Djokovic –te hi vawi 54 an intum tawh a, Djokovic hi vawi 28 chak tawhin Nadal hi vawi 26 a chak tawh a, clay court bikah Nadal hian Djokovic hi vawi 17 hneh tawhin Djokovic erawh hian Nadal chu clay-court ah vawi sarih bak a la hneh lo a ni.