Mizo Zirlai Pawl (MZP) in an buatsaih Inter Higher Secondary School Basketball tournament 2018 chu vawiin chawhnu khan Hawla Indoor Stadium, Republic Vengthlangah zawhfel a ni ta a, final-ah hian St.Joseph HSS chuan Providence HSS chu 64-60 a hnehin an champion.

Champion team St.Joseph HSS-in sumfai lawmman Rs 20,000/- leh Trophy leh medal an dawng a, finalist Providence HSS chuan Rs 10,000/- leh Medal an dawng ve bawk.

He tournament-ah hian school hrang hrang 23 an tel a, September ni 20 atang khan Hawla Indoor Stadium-ah khelh tan a ni.

Final-ah hian C.Laltlanthanga, Secretary, Mizoram State Sports Council chu khual lian a ni a, khual lian chuan "Zirlai pawlin zirlaite tana tournament an siam hi a inhmeh hle a, Mizoram leh Mizo hnam issue lian tak takte an buaipui thin karah sports hmasawnna tura theihtawp an chhuah hi a lawmawm a ni.

Tunlai khawvelah zirna leh sports hi a kalkawp tlat tawh a, sports lam ti thei tak pawh lehkha an thiam tel loh chuan an hlut tur angin an hlu pha tawk lo fo thin. Infiammi tan zirna hlamchhiah chi a ni lova, zirlai tan pawh infiamna hi hlamchhiah ngawt chi a ni bik lo. Sports department leh MZP-te, Mizo thalaite sports lama hma an sawn zel theih nan theihtawp chhuah ho zel kan duh a ni" a ti bawk.

(adsbygoogle = window.adsbygoogle || []).push({});