Match hmasa berah hmeichhe team Mizoram Police SC leh Mizoram Home Guard VC te an inkhel dawn, Police team ah hian Muani leh Faki awmin, anni pahnih hi team chakpui thei khawpa players tha an ni. Homeguard hi team thar an ni a. Team hriatthiam har tak, khelh sual awltak tur team an ni thung. Muanpuii, Hunthar tleirawl hi star ni thei tur khawpa players tha a ni.
Inkhelh vawihnihna ah 3rd MAP leh 2nd IR an inkhel dawn. Team pahnihte hi champion thei dinhmun ading an ni. 2nd IR lam hian khelh hmasak ah point an hlauh tawh avangin champion an tum anih chuan chakloh a thiang lo. 3rd MAP elpui ber tur TNT ten an Match hmasa berah 2nd IR lakah point an hlawhchhuaka, chuvang chuan 3rd MAP hian champion an tum anih chuan point an hlauh thiang dawn lo a ni. Chakloh hlau ve ve champion tum ve ve inkhel tur anih avangin a hmuhnawm khawp ang.
Inkhelh tum thumna ah TNT leh Young Star an in tum dawn a. players en chuan TNT hi chak zawk tura beisei an ni. Young Star lam hi an chaklo leh anih chuan antan champion ahar tawh hle ang.
Match hnuhnung berah Hmingi Volleyball club leh Hunthar volleyball club te an inkhel dawn, Spiker nei tha team leh defensive nei tha team inkhel tur an ni a. Hmingi Volleyball club ten chak an tum anih chuan Thuama thlawp tha tura, akhelhpui te, an inbuatsaih a tul hle ang. Hunthar tan hian Biakmuana leh Lalmama te an pawimawh leh hlein a rinawm, Senior player Hruaia a khelh theih chuan an hlauhawm sawtin a rinawm.