MVA Season Opening Tournament final-ah Hunthar VC leh Durtlang North VC

24th August 2019, 03:08PM

Mizoram Volley Association (MVA) buatsaih Season Opening Tournament mipa semifinal August ni 23, Zirtawpni zan khan R Dengthuama Indoor Stadium, Mualpuiah khelh a ni a, inkhel hmasa zawk Hunthar VC chuan 3-0 a Chanmari West final an lut a, inkhel hnuhnungah Durtlang North VC chuan 3-2 a Chhinga Veng VC hnehin final an lu bawk.

Mipa final hi August ni 24, Inrinni zan dar 8:00-ah khelh a ni ang a, hmeichhia final tlai dar 5:00-ah Bawngkawn VC leh Bethlehem Vengthlang VC ten an khel ang.

Semifinal inkhel hmasa zawk Hunthar VC chuan harsatna tawk lo in hneh sawh takin Chanmari West SC an hneh a, final an lut. Hunthar VC hian set khatna anlak hnuah Chanmari West SC insiam tha in set hnihna la mahse, set thumna leh set li na erawh Hunthar BC chuan harsatna tawk lo in an la zawn a, 3-1 in hnehna an chang zui ta a ni.

Semifinal inkhel hnuhnung zawk Durtlang North VC leh Chhinga Veng Spikers an intluk tawk hle a, Chhinga Veng Spikers chuan set hmasa berah hnehna chang mahse, Durtlang North VC chuan set hnihna hneh sawh takin an la thung.

Chhinga Veng Spikers chuan hnehna chan ngei tumin an insiam rem a, set thumna harsa takin an la a, Durtlang North VC tan set lina a pawimawh tih annhre chiang. Hnehna an chan loh chuan Chhinga Veng Spikers ten final an lut dawn tih hre chungin fimkhur takin set lina an khel a, hnehna an changin set lina an la a, set hnih ve ve laiin an inhneh tawk rih. Deciding khelh angai ta.

Deciding khelh a ni a, team pahnih te an fim khur dun hle a, chet sual hlau takin game an khel, atawpah Hunthar VC te an ding chang ta zawk a, 15-9 a hnehna chang final an lut ta a ni.

August ni 23, Zirtawpni zan Semifinal (Men) Results

06:00 PM Hunthar VC 3-1 Chanmari West SC

(26-24, 18-25, 25-19, 25-22)

08:00 PM Durtlang North VC 3-2 Chhinga Veng Spikers

(23-25, 25-16, 23-25, 25-12, 15-9)

Hmeichhia Final August ni 24, Inrinni Fixtures

05:30 PM Bawngkawn VC vs Bethlehem Vengthlang VC

Mipa Final August ni 24, Inrini zan Fixtures

08:00 PM Hunthar VC vs Durtlang North VC

(adsbygoogle = window.adsbygoogle || []).push({});
Copyright © inkhel.com 2024. All rights reserved.