Mizoram Volleyball Association season opening tournament chu ni 14.7.2015 (thawhlehni) atang hian Tuikual indoor stadium ah khelh tan a ni ang. MVA hnuaiah hian mipa team 6 leh hmeichhe team 4 an awma. Season hmasa aiin season thara team te hi intluk tlang leh inkhel tawk zawk tura ngaih an ni.
Mipa team hi season hmasa atangin Chanmari West SC leh Electric veng volleyball club te second divisionah an relegate a, Hunthar Volleyball club te an kai thar thung. Mipa teamah hian TNT leh 3rd Battallion MAP team te hi champion tura rin kai ber an ni dawna. TNT hi season hmasa opening leh super league champion lai an ni a. 3rdBattallion MAP hi season ending tournament champion an ni a. MVA invitation runners up an ni bawka. TNT buatsaih khawmpuilian champion an ni bawk. Season hmasa khan an ni pahnih khing zo club dang an awm lova. Invitationa GRC, Shillong an champion tih loh chuan an ni team pahnih atang hian champion an awm zel a ni.
Season tharah hian heng team tja pahnihte hian an players chhawrlai an chan ve ve a, mahse team squad a buaina awm lo turin players lut an awm ve bawk. 2nd IR Battallion hi team hriatthiam.har tak. team tlo tak an ni a. players an lak belh nual avangin champion an tum ngamin a rinawma. Hmingi Volleyball club leh Young Star United hian champion an tum.ngam chiah lo anih pawhin team dang tana khelh har tak tur chu an ni ang. Hunthar Volleyball club hi team thar an nih avanga zuam ngawt chi a ni dawn in a lang lova. Chanmari West SC leh Elextric VC team atanga players tha an lak bakah players tha dang an khawm nuala, champion tum ngam tur zinga mi an ni.
Hmeichhe teamah hian season hmasa ang thovin power leh Police inthlur bing leh tura beisei a ni a. Electric VC te hian players tha tak tak an neih avangin champion an tum ngamin a rinawma. Home Guard team hian chaklo an duh bikin a rinawm loh bawk.
Tournament hi round robin league a khelh tur a ni dawna. Teamte intuam kualchhuak vekin a point hmusang ber ve ve champion an ni dawn a ni. Match hi nitin chawhma dar 10 ah tan a ni ang.
14.7.2015 fixture 10:00 am onwards
Mipa
Young Star United Vs Hunthar Volleyball club
TNT vs 2nd IR Battallion
3rd MAP vs Hmingi Volleyball club
Hmeichhia
Powers sc vs Electric vc