Mizoram Volleyball Association (MVA) Invitation Tournament chu October 17, 2015 (Inrinni) khan Tuikual Hall-ah Final khelh a ni a. Hmeichhia Power Dept, SC leh Mipa ARC Bt, te an champion ta a ni.
Mipa Champion team hian Rs 50,000/- Trophy leh Medal an dawng a, Pahnihna hian Rs 20,000/- Trophy leh Certificate an dawng thung. Semi finalist te hian Rs 6000 theuh dawngin, Best Discipline team hian Rs 3000/ leh Trophy an dawng a, Best Player hian Rs 1000/- leh Trophy dawng ve bawkin, Best Dicipline team hian Rs 3000/- leh Trophy an dawng a, Team tel zawng zawng hnenah Rs 3000/- theuh pek an ni bawk a ni.
Hmeichhia Champion team hian Rs 20,000/- Trophy leh Certificate an dawng a, Pahnihna hian Rs 10,000/- Trophy leh Certificate an dawng thung. Best Discipline hian Rs 3000/ leh Trophy a dawng a, Best Player hian Rs 1000/- leh Trophy a dawng ve bawkin, Team tel zawng zawng hnenah Rs 3000/- theuh pek an ni ve bawk a ni.
Inkhel hmasa zawkah Hmeichhia Power Dept, SC leh Mizoram Police SC te in tumin, Power Dept, SC chuan (26-24, 17-25, 25-17, 25-23) 3-1 set in an khingpui Mizoram Police SC hnehin an champion ta a ni. Vardingliani Power Dept SC chu Best Player-ah thlan a ni a, Rs Rs 1000/- leh Trophy a dawng.
Inkhel hnuhnung Mipa ARC Bt leh 3rd Bt MAP te in tumin, ARC Bt, chuan (25-22, 26-24, 25-12) 3-0 set in 3rd Bt, MAP chu hnehin an champion ve bawk. Best Player-ah M Tomba Singh ARC Bt, chu thlan a ni a, Rs 1000/- leh Trophy a dawng. Best Dicipline team-ah hian BSF SC te thlan an ni a, Rs 3000/- leh Trophy an dawng ve bawk a ni.