Italian Open khelh mekah Andy Murray chuan 6-1 7-5 a Belgium mi David Goffin a hneh hnuin semi final a lut a, Murray hian bul tan tha lo mahse awlsam takin hnehna a chang ta tho a ni.

Kum 28 mi Murray hian semi final-ah Lucas Pouille a hmachhawn dawn a ni. World Number One Novak Djokovic chuan Rafael Nadal 7-5 7-6 (7-4) a a hneh hnuin semi final a lut ve bawk a. Novak hian tun hnaiah a zawnin Nadal hi vawi 7 ngawt a hneh ta a ni.

Djokovic chuan champion lai Kei Nishikori chu semi final-ah a hmachhawn dawn a, Nishikori hian quarter final-ah Australian Dominic Thiem chu 6-3 7-5 in a hneh a ni.

Djokovic leh Murray te hi final-ah an intum leh hmel hle, kar hmasa khan Madrid open final-ah Djokovic khan Murray kha a hneh a nih kha, Rome-ah hian Novak a chak leh a nih chuan Rome title 5 a la dawn tihna a ni.

Pictures credit : Getty