Wimbledon tan hma chiaha in hnukdawk ta Andy Murray chuan a in hnukdawk chu a inchhir loh thu a sawi. Murray hi a khel(hip) na avangin kum khat vel a inkhel mumal tawh lova, Wimbledon khelh tumin theih tawp chhuah mahse set nga khel tura a in fit hman loh avangin a inhnukdawk leh ta zawk.

Andy Murray chuan a inhnuhdawh chungchang chu BBC sport column-ah sawiin, “Wimbledon khel lo tura ka in hnukdawk kha ka inchhir lova, thutlukna dik tak ka siam a ni. Nikum khan khel (hip) nuam lovin ka khel a, quarter-final thleng mah ila kum khat chhung ka khelh theih loh phaha, kuminah khatiang kha a thlen leh ka duh tawh lo a ni. Ka khel thei lo tur kha pawi ka ti hle a, mahse ka champion dawn lo tih ka hriaa ka inbuatsaih tha hman lo a ni.” a ti.

Sawi belh zelin, “Inhnukdawk tura thutlukna siam kha thil harsa tak a ni a, mahse thutlukna fing tak a ni bawk. A tha lam zawnga thlir chuan ka chhungte nen hun tam zawk kan neih phaha, hard-court-ah practice-na hun ka neih phah bawk. July thla ni 30-a in tan tur ,Washington-ah khelh ngei ka tum.” tiin rawn kir leh a tum thu a sawi.

Novak Djokovic chu a champion theih thu sawiin, “ Navak hi a khel tha thei hle a, Federer leh Nadal-te a hneh thei tih a khelh tawh dan atangin ka hmu. Dinhmun tha takah a awm meka, a rilru put hmang pawh a dik hle in ka hria.” tiin Scot mi Murray chuan a sawi bawk.