Washington Open khelh mekah Andy Murray chuan second-round-ah British no.1 Kyle Edmund a hneh.

Kuminah Murray hi a la inkhel tlem hle a, vawi nga a khelhna niin Bristih no.1 a nihna chhuhsaktu Kyle Edmund chu darkar hnih leh min sawmthum pakhat khelh puiin 7-6(7-4), 1-6, 6-4 in a hneh.

Thla 17 hnuah Murray hian a vawikhat nan hard-court tournament khel leh a, third-round-ah Marius Copil a hmachhawn ang.

Murray hi duh anga a la fit tawk loh avangin Wimbledon atangin a inhnukdawka,a tum ang ngeiin Washington Open hi khelin third-round a lut.

Grand Slam vawithum la tawh Murray leh Edmund-te hi Wimbledon hma lawk khan an lo intum tawha, Edmund hi straight-set in a hneh.

Thawhtanni khan Murray hian first-round-ah Mackenzie McDonlad a lo hneh tawha, nimin khan a zirlai hlui kum 23 mi Edmund hi a hneh leh ta a ni.

Kum 31 Murray chuan, “Grass-court ka khelh hma ai khan ka tha tawh em ema, ka tan a tha a, engkimin that lam a pan zel a ni. Ka dam zel ka beiseia, tha taka ka khelh chhoh theih ngei pawh ka ring,” a ti.