Borussia Dortmund-in league bul an tan tha kan ti a, goal tam tak an khung chhoh mek laiin Allianz Arena -ah Bayern Munich an len chilh chiah mai chu 5-1 laiin an tlawm ta a ni.
Bayern Munich tan Thomas Muller leh Lewandoski-te chuan goal hnih ve ve an khung bakah Gotze chuan goal khat a khung bawk a, Borussia Dortmund tan Aubameyang chuan goal khat a khung leh tlat mai.
Robert Lewandowski hian match hnuhnung pali atangin goal 12 a khung ta hem mai. Pierre-Emerick Aubameyang pawh a ropui, game 8-ah goal 8 a khung ta a ni.
Bayern Munich 5 - 1 Borussia Dortmund
(Thomas Mueller 26', 35' pen, Robert Lewandowski 46', 58', Gotze 66') (Pierre-Emerick Aubameyang 37')
PLAYER RATINGS (data source : eurosport)
Bayern Munich: Neuer 6, Alaba 6, Boateng 7, Martinez 6, Lahm 6, Alonso 6, Thiago 6, Costa 6, Gotze 7, Muller 8, Lewandowski 8.
Subs: Vidal 6, Coman 6, Kimmich 6.
Borussia Dortmund: Burki 6, Piszczek 6, Hummels 6, Bender 6, Sokratis 6, Weigl 5, Gundogan 5, Castro 6, Kagawa 5, Mkhitaryan 6, Aubameyang 7.
Subs: Januzaj 6, Reus 6.
Goal hmasa ber hi 26th mins-a lut a ni a, Muller chuan Dortmund goalkeeper a bum hnuah a pet goal a, 34th mins-ah Mkhitaryan chuan box chhungah Thiago a titlu, referee chuan penalty a ham a, Muller chuan goal-ah a chantir.
Dortmund chuan beiseina thar an nei, an goal khung khawl Aubameyang chuan mual dinglam sir atanga Castro cross tha zet chu a pet goal a, half time a nih chuan 2-1 in Munich chuan hma an hruai a.
Second half tan a ni chiah tihin Lewandowski kan hmu ta, 46th mins-ah Boateng chuan Munich half atangin ball tha tak a vawrh, Lewandowski chuan a um a, ball kang chu a ke hmawr chuan dawngin, a pet goal chhunzawm, goal ropui leh mawi tak a ni chiang kher mai.
58th mins-ah mual dinglam sir atanga Gotze cross tha zet chu box chhung atangin laklawh nei miah lovin chiang set sawt takin Lewandowski chuan a pet goal leh ta a, hemi hnu hian Gotze chuan goal 5-na a khung a, 5-1 laiin Munich chuan hnehna an chang ta a ni.
Khelh 8 atangin Bayern Munich chuan point 24 an nei a, Bundeslina hma an hruai mek. Borussia Dortmund chuan 17 points neiin an dawt a, Schalke chuan 16 points an nei a, pathumna an ni mek a ni.
Bundesliga results :
Darmstadt 2 - 3 Mainz 05
Borussia Moenchengladbach 2 - 0 Wolfsburg
Hannover 96 1 - 0 Werder Bremen
Hertha Berlin 3 - 0 Hamburger SV
Hoffenheim 2 - 2 VfB Stuttgart
Ingolstadt 2 - 0 Eintracht Frankfurt
Schalke 04 0 - 3 FC Cologne
Bayer Leverkusen 1 - 1 Augsburg
Bayern Munich 5 - 1 Borussia Dortmund
pictures credit : bundesliga.com