23 May 2020 12:14

bakteaJr.

Mizo tlangval

​Mumbai City zawm tur Vikram Singh

Indian Arrows player Vikram Pratap Singh chuan 2020-21 season atan Indian Super League club Mimbai City FC a zawm dawn niin Goal chuan a tarlang.

Vikram hi Chandigarh Football Academy (CFA) chhuak a ni a, season liamta khan I-League ah Indian Arrows tan khel tha hle in, 2018-19 season atang khan Indian Arrows tan hian a khel tan.

A season hmasa berah Vikram hian Indian Arrows tan game 13 khel nghalin, season liamta khan game 14 khelin goal li a khung bawk.

Season liamtaa Arrows-in 2-1 a Aizawl FC an hneh loh tum pawh khan Arrows goal neih chhun hi Vikram-a khung a ni nghe nghe a, East Bengal lakah Arrows chakna goal a lo khung tawh bawk.

Vikram hi kum 18 mi chauh ni mahse Arrows player pawimawh a ni tawha, ISL club pali leh I-League club pahnihte atangin dawrna hmu in, Mumbai City hi a zawm dawn ta niin a lang.

Vikram hi player versatile tak a ni a, tlarhmaah khelh theih lohna a nei lova, mahse a khelh thiamna ber erawh right-wing ah a ni.