MTB Himalaya 2019-ah Michael Laldinsanga

19th September 2019, 07:09PM

Himalaya tlangpanga thirsakawr hmanga intlansiakna lo awm turah Mizoram atangin a vawikhat nan Michael Laldinsanga Ralte, Mission Vengthlang chu a tel ve dawn. Kumin Hero MTB Himalaya 2019 hi September ni 26 atanga October ni 3 chhunga tlan tur a ni a, kumin hian Shimla atanga tlan tan tur niin, khawvel ram hrang hrang atangin cycle khalhmite an rawn fuankhawm leh dawn a ni.

He intlansiakah hian ni khatah KM 60 a thui tlan thin tur a ni a, kawng chhengchhia leh kham kar, kawng zim takah an tlan dawn a ni.

MTB Himalaya hi kum 2009 atang khan kumtin buatsaih niin, kumin hi a kum 15 na a ni.

Michael Laldinsanga Ralte hi September thla tir khan India hmarchhak atanga tlan thei tur intihsiakna, Guwahati a intlansiakah a tling a, India hmarchhak atangin mi 5 chauh an tling a ni.

(adsbygoogle = window.adsbygoogle || []).push({});
Copyright © inkhel.com 2024. All rights reserved.