Mizoram Sports & Youth Services hnuaia Deptt kutke pawimawh em em Mizoram State Sports Council a kum 3 chhung Secretary ni turin Pu John Tanpuia MCS, SYS Deptt a kum 3 dawnlai Jt Director hna lo chelh tawhtu chu Sorkarin a ruat.

John Tanpuia hi Shillonga pianga seilian niin KG atanga Class X chu St Anthony’s School,Shillongah zirin PUC(Arts) atanga BA(English) chu St Anthony’s College Shillong-ah zo leh MA(Eng) pawh NEHU Shillong-ah a zo. Kum 2004 ah MCS ah lutin ADC,BDO,SDO(C),Dy Director,Addl DC leh tuna a thawh mek Jt Director(SYS) hna te a chelh tawh a.

Saptawng,Hindi leh Khasi tawng thlenga thiam niin Project siam thiam tak,mi taima rum rut a ni.Tunhnaiah EAP Project siam buaipui turin State Nodal Officer ah ruat a ni bawk.

A nupui chu Linda Zomuanpuii,MFAS,Dy Director(Accounts) niin Chanmari Vengah an khawsa mek a ni.

Pu John Tanpuia hi Pu C.Laltlanthanga term ni 14/7/2020 a tawp tak avangin a aiah Sorkarin a ruat a ni.Pu Tlana hi full fledged MSSC ah chuan Secretary hna chelh rei ber niin kum 7 leh thla 10 a thawk a ni.

Pu John Tanpuia inkhel.com chuan duhsakna sangber kan hlan e.

(adsbygoogle = window.adsbygoogle || []).push({});