22 Mar 2015 02:54

Inkhel

Mizo Sports Website hmasa ber

MSL : TBL leh Serpents chak

MSL Table hnuai lam indonna ah Zarkawt Serpents in thawhleh zana an hnehloh Chaltlang Ryders an hneh a, vawi khat an chak ve ve ta a ni. Team inhnehtawk tak an ni tih kan hmu tawha, beisei ang ngeiin a hmuhnawm leh hle a ni.

Chaltlang Ryders in bul an tan tha hle a, three-pointer Hminga a dawng hle a ni. 3rd quarter atangin Zarkawt lamin hma an hruai a, an tang tlang ta a ni.

Ryders tan hian an point guard Mapuia Zote a khel tha lehpek a, points 20 lai neiin assists 4 a nei bawk a ni. Center Richard dan a har lehpek a, points 14 neiin paint chhungah a tal na hle a ni. Hmingan three points 5 lawih a lut bawk a ni.

Zarkawt Serpents tan hian match hmasa a khello KCa kan hmu a, points 16 neiin a khel tha hle a ni. Robert a khel tha hle bawka, physical takin points 15 leh rebound 6 a nei a ni. An ni bakah hian langsar zual awm lovin, an thawh liam liam a, Chaltlang Ryders hneh nan a tawk ta a ni.

Khatla TBL leh Zarkawt BCA vawi hnih an intum tawha, Khatla TBL an chungnung ve ve a ni. Entu mipui tamtak hmaah MSL table a chung pahnih te hi an inkhel a, game tan hma atangin boruak a tang hle a ni.

Match tan a ni a, BCA in basket an nei hmasa a; TBL in an lehthal hnu in a tawp thlengin hma an hruai ta zel a ni. TBL an fal deuha, BCA in pawh thlak an han tum thin a; defence tha tak TBL chu an lehthal thei ta meuhlo a ni.

A tir atangin H. Laldinsanga (Mapuia) kan hmu a, game a kutah a awm ta a ni. Points 30 lai a nei a, coach a ni pah angin set play tha tak tak leh defence khawng tak kan hmu a ni. Gospelan offence lamah tum dang angin thawh hlawk berlo mahse rebound 17 a nei a, 8 a nei tho a ni. Khatla vengpa Lana'n points 12 a nei leha Nelson a points 9 a nei bawk a ni.

Zarkawt BCA tan main man Dennis a langsar hle a, points 16 a nei a ni. Captain David an a fight hle a, mahse a pawlte a chhanchhuak theilo chungin points 14 a nei a ni. Point guard Michael start lo mahse TBL defence a chhaih buai ve nual a, points 13 a nei a mahse chak nan a tawk ta lo a ni.