Mizoram Super League Season (MSL) 4 chu January ni 26, Zirtawp zan khan Siby Farm, Mualpuiah khuhhawnna hun hman a ni a, Pu Palaia MBBA Adviser chuan a Tip off a ni.

MBBA hruaitute leh sawm bik te club tin hruaitu leh players te an kal tha hle. MSL 4 hi January ni 30, Thawhlehniah Hawla Indoor Stadium-ah khelh tan a ni ang. He hun hi Rini Hlondo chuan thiam takin a kaihruai a, Forever Young Band te hnen atangin zai mawi tak ngaih thlak a ni.

Pu Malsawmtluanga President, MBBA chuan kal khawmte hnenah lawmthu sawiin Federation Cup 2018 hi Aizawlah khelh a nih dawn thu a sawi a ni.

Miss Mizoram Rody H. Vanlalhriatpuii chuan MSL Trophy Mission Veng Viking te hnenah hlan a, Dr Lalrinawma Hnamte Chairman, MSL Board chuan MSL Handbook a tlangzarh hnuah MBBA Time Magazine chu Zonet General Manager Tato Lalthantluanga chuan a tlangzarh nghal bawk. Club tin captain zawng zawng koh chhuah an ni a, thutiam an neih hnuah club model theuh ten club Jersy pholanna hun an hmang.

Khuallian Pu Palaia MBBA Adviser chuan Tipp off na hun a hmang a, thusawi nghalin Mizo te hi North East chuan Basketball-ah min chung en tawh mahse National leavel-ah erawh tan kan lak a ngaih thu a sawi a, Mizo te hian skill kan neih that em em laia hmasawnna tur erawh kan la neih tam thu a sawiin player te a fuih a ni.