Mizoram Super League final chu May ni 1, 2015 zan hian Hawla Indoor Stadium-ah Zarkawt BCA leh Khatla TBL ten an khel dawn. Mizo Basketball fans chu Republic Vengthlang lamah an tleh thla hul hul dawn. Final i en ve dawn a nih chuan hriattur pawimawh kan han fah ang che.

1. Mizoram Super League Season 1 Final ah hian table a pakhatna Khatla TBL te 'HOME TEAM' anni anga table a pahnihna Zarkawt BCA te 'AWAY TEAM' anni thung ang.

2. Final zan bik atan inkhel en man hi Rs.150/- leh Rs.50 a siam ani.Court side (Chair) hi Rs.150/- ani anga a bak zawng chu Rs.50/- man tura ruahman a ni. Court side (Chair) a thutna bikah hian 340 seats chauh a awm dawn avangin ngaihven ran a fuh ang.

3. Final zan hian Hawla Indoor Stadium pawnah 'Big Screen' a inkhel tihchhuah a ni ang.

4. Inkhel en tura kal te tan Stadium chhung leh a pawn kawt hrulah eng lirthei mah (Two wheeler huamin) dah phal ani dawn lova, lirthei keng te chuan College Veng Field ah dah vek tur a ni. A hmunah traffic leh security duty an awm dawn a, an thu ngaichang a zawm turin kan inngen a ni.

5. Sawm bikte tan stadium tualah lirthei dah phalsak anni anga, Finalist players leh coaching staff te erawh Stadium hnuai parking area ah lirthei te dah phalsak anni thung ang.

6. Inkhel en tura kal te tan security lama kan fel fai zawk nan Stadium Main Gate chhungah BAG emaw inkhelh en nana tangkai lo thil engmah ken luh phal ani dawn lova, hei hi strict taka kal pui anih dawn avangin inkhel en tura kal ten i hre lawk ila i fimkhur ang u.

7. Inkhel en tura kal zawng zawngte Stadium awmna veng Republic vengthlang khawtlang tana hnawksak zawnga awm lo turin leh Mizoram Basketball Association hmel ti mawilo zawnga khawsa lo turin kan inngenin kan inchah mawlh mawlh a. Rui buai emaw midang tana mit ti kham khawpa awm an awm anih chuan security kutah hlan zel anni ang.

8. Heng bakah hian stadium chhungah kan security ten fans te kal/awm theihna chin te min kawhhmuh leh min hrilh ang te khawngaiha min zawm sak turin kan in ngen bawk e.

A chunga kan tarlan ang hian kan dan siam leh ngenna te min zah saka min zawm sak turin inkhel en tura lokal zawng zawng te kan inngen takzet a. Mizoram basketball history a bung thar kan kai na hriat reng tawh tur Final hmasaber anih angin hlim leh nuam taka kan hman theih nan inkhel en tura lokal zawng zawng te fimkhur turin kan in chah nawn leh e.