Mizoram Super League (MSL) season 7 khelh mekah June ni 9, 2022 (Ningani) zan inkhelah Champion lai Zarkawt BCA chuan 82-63 in Chanmari Vikings an hneh. Zarkawt BCA hian match thum khel tawhin hneh loh anla tawng lo. Point 6 annei tawh a table-ah hmahruaitu an ni mek a ni. Chanmari Vikings hian match hnih khel tawhin hneh an la nei lo thung a, point 2 an nei ve mek bawk.
Zarkawt BCA tan Lalrina Renthlei chuan point 31 a score a, state pawn player Joseph Frederick Allen chuan point 28 thawkchhuakin Matthew Remtluanga Sailo chuan point 12 a score ve bawk.
Chanmari Vikings tan state pawn player Raymond Edward Miller Jr chuan point 18 a thawkchhuak a, Michael F Lalawmpuia chuan point 15 thawkchhuak ve bawkin Moses Zoremmawia chuan point 13 a score tling bawk.
Chanmari Vikings hian hnam dang player pahnih neiin Haryana atanga player an lak Harsh Rao anla chhawr thei lo a, USA atanga an chahchhuah Raymond Edward Miller Jr chuan inkhel bul tan mahse beisei erawh ala phak rih lo.
Zarkawt BCA hian hnam dang pathum an nei a, Karnataka player Sowkin Shetty hi an la chhawr thei lo a, USA player Joseph Fredrick Allen leh Kerela player Aaron Varghese an chhawr thei a, Joseph Fredrick Allen chuan inkhel bul atan a, hnehna anchan nan a thawhhlawk hle. Aaron Varghese erawh Secound quarter-ah inlan in beisei erawh a pha lo.
First quarter-ah Zarkawt BCA chuan bul an tha tha nghal hle a, Lalrina Renthlei leh Matthew Remtluanga an thawhhlawk nghal hle. Chanmari Vikings pawh in team tha annih zia lan tir ve bawkin Raymond Edward Miller Jr, Michael F leh Moses-a te thawhhlawk hle mahse Zarkawt BCA an dang thei lo.
Second quarter-ah Vikings te insiam tha in Raymond Edward Miller Jr, Michael F leh Moses-a te thawh hona a tha hle a, Zarkawt BCA inthlahdul lai remchangah hmangin hmahruaitu zawkah an țang. Hnehna chang turin beiseina nung annei thar bawk.
Third quarter-ah pawh Vikings chuan hmahruai zui zelin Raymond Edward Miller Jr, Michael F leh Moses-a te an thawhhlawk hle. Huntawp dawnah Zarkawt BCA muthlu anharh chhuak Lalrina Renthlei, Zonuna leh Joseph Fredrick Allen te an thawh hona a rawn tha chho hle a, hmahruaitu an ni zui ta a ni.
Quarter hnuhnung berah pawh Zarkawt BCA bawk chungnung zawkah tangin Vikings te chuan hnehna chan ngei tumin nawr bawk mahse, Zawkawt BCA kut kallai an dang zo tawh lo. Hun atawp meuh chuan Zarkawt BCA chuan 82-63 in hnehna an chang zui ta a ni.
Total/ Period 1/ Period 2/ Period 3/ Period 4
Chanmari Viking: 63 - 14 - 14 - 21 - 14
Zarkawt BCA : 82 - 17 - 13 - 26 - 26
Chanmari Vikings:
Raymond Edward Miller Jr - 18 pts - 15 rebounds - 4 assist - 1 steals.
Michael F Lalawmpuia - 15 pts - - 8 rebound - 1 assist - 3 steals
Moses Zoremmawia - 13 pts - 3 rebound - 3 assists - 2 steals
Zarkawt BCA:
Lalrina Renthlei - 31 pts - 15 rebounds - 1 assists - 2 steals.
Joseph Frederick Allen - 28 pts - 12 rebounds - 2 assist - 6 steals
Matthew Remtluanga Sailo - 12 pts - 5 rebounds - 2 assists - 1 steal.