​MSL 6: Zarkawt BCA-in Ramhlun SC an sawp

28th February 2020, 03:02AM

February ni 27, Ningani zan Mizoram Super League (MSL) Season 6 Hawla Indoor Stadium, Republic Vengthlangah Champion lai Zarkawt BCA leh kai thar Ramhlun SC inkhelah Zarkawt BCA chuan 98-65 in Ramhlun SC an sawp. February ni 28, Zirtawpni inkhel vawihnih a awm angva, tlai dar 5:30-ah Khatla TBL leh Chanmari Vikings an jn hmachhawn ang a, zan dar 7:30-ah Zarkawt BCA leh Tuikual South an inhmachhawn ang.

Zarkawt BCA hian state pawn player pathum Sowkin Shetty, Shawntres Davis leh Sahaj R. patel te ziak lut a, Sahaj R. Patel chuan inkhel bul a tan nghal a, quarter hnuhnung berah a Dunk. Quarter tinah game an thunun a, champion zia an chhuah nghal. An thoh hona a tha a, Champion leh turin theihna annei tih anlan tir bawk.

First quarter-ah BCA chuan 20-15 in hma an hruai nghal a, Second quarter-ah pawh hmahruai chhunzawmin 22-19 a ni leh a, Third quarter-ah Ramhlun SC hian 22-19 in hmahruai zawk mahse, quarter hnuhnung berah BCA bawk chungnung zawkah tangin 37-9 zetin hma an hruai fal ta zawk a, hun atawp meuh chuan BCA chuan 98-65 in hnehna an chang zui ta a ni.

Champion lai hian February ni 28, Zirtawpni zanah match neih nghal dawn mahse, an inthlah dah mai lo. Inkhel tan atangin game an thunun nghal a, Lalrina Renthlei (22 points, free throw 2/6/ 33.3%, 12 Rebound) Zonunsanga (16 Points, free throw 1/2 , Rebound 3, Assists 3, Steals 3) Reuben Lalsangkima (11 points, Rebound 1) Rinmuanpuia Chhangte (10 points, Free Throw 2, Rebound 3, Steals 2) te an chakna hnar an ni.

Ramhlun SC hian state pawn player Salif Cisse ziak lut mahse, chhawr theih turin a inlan lo. Mizo hlangin khel mahse an khel ho thang tih rawh a hriat. An player rinrawl Malsawmtluanga (7 point, Rebound 4, Assists 1, Steals 1) leh PC Lalramthimnghaka (33 Points, Free Throw 4, Assistss 4, Steals 4) langsar mahse hnehna chang turin an thawh hona a that tawk lo a, tawnhriat anneih tam loh leh trunover anngah an tuar bawk.

QTR. 1  2   3  4 Tot

BCA 20 22 19 37 98

RSC 15 19 22 9 65

BCA : 22 Lalrina Renthlei 22pts, 12rebs, 6assts, 1stl

RSC : 29 PC Lalramtiamnghaka 33pts, 2rebs, 4assts, 4stls

(adsbygoogle = window.adsbygoogle || []).push({});

Copyright © inkhel.com 2024. All rights reserved.