03 Mar 2020 09:38

inkhel

​MSL 6: Ramhlun SC lakah Chanmari Vikings an chungnung

March ni 3, Thawhlehni zan Mizoram Super League (MSL) Season 6 Hawla Indoor Stadium, Republic Vengthlangah hneh la nei lo ve ve kaithar Ramhlun SC leh Chanmari Vikings inhmachhawnin Chanmari Vikings chuan 79-61 in Ramhlun SC an hneh. March ni 5, Ningani zan dar 6:30-ah Chanmari Vikings hian kaithar Chawnpui BC an hmachhawn ang a, March ni 6, Zirtawpni zan dar 6:30-ah Ramhlun SC hian Tuikual South an hmachhawn ang.

Chanmari Vikings hian an match hmasa berah MSL vawihnih Champion tawh Khatla TBL hneh lo mahse, Ramhlun SC an hneh a, match hnih khel tawhin point 3 annei mek a, table-ah pathumna ni mekin semifinal khelh beiseina an nei mek bawk.

Chanmari Vikings hi team thar ang ni mahse, boruak sang an tawng thang tih ahriat a, forward Raymond Miller Jr (33point, 3assist, 27rebounds, 3block, 2steals) alangsar hle a, an chakna hnar a ni.  Zonunsanga, (15points, 3assists, 8rebounds) Lalruatkima Sailo, (13points, 4rebounds, 1assists, 1steals) leh Lalhlunmawia, 11points, 5rebound, 2assists, 1steals) te hnehna an channa kawngah an thawhhlawk hle bawk.

Ramhlun SC hian an match hmasa berah Champion lai Zarkawt BCA an hneh lo tawh bawk. Match hnih khel tawhin point 2 annei mek a, table mawngphah an luah lum mek. Ramhlun SC tan State pawn player Eban Hyams, (18points, 11rebound, 1block, 3assists, 2steals) chuan bul tanin beisei erawh aphak lo deuh. Lalmuanpuia Zote, (12points, 2rebounds, 1steals, 1assists) Emmanuel Lalfakawma, (10points, 1rebounds) leh Lalruatpuia, (10points, 7rebounds, 1block, 2assists, 1steals) te thawh hlawk hle mahse, hnehna chang turin an thawh hona that tawk loh leh turnover an ngah an tuar ta a ni.

Inkhel tan atangin Chanmari Vikings an chung nung nghal a, 21-16 in first quarter-ah hma an hruai nghal. Second quarter-ah Ramhlun SC chuan hmasawn hretin point 1-in an umphak lo a, Chanmari Vikings chuan 17-16 a hmahruaijn chawlhlawk an hmang zui ta a ni.

Third quarter-ah Ramhlun SC chuan nawr nghal mahse, turnover anneih zeuh zeuh avangin Chanmari Vikings an sang fal hle a, 23-13 zetin hma an hruai zui leh ta a ni. Quarter hnuhnung berah pawh tawnhriat nei tha zawk Chanmari Vikings bawk chungnung zawkah tangin 18-16 in quarter hnuhnung ber an hmang zo a, hnehna anchang zui ta a ni.

(adsbygoogle = window.adsbygoogle || []).push({});