06 Mar 2020 09:59

inkhel

​MSL 6: Ramhlun SC-in Tuikual South an hneh

March ni 6, Zirtawpni zan Mizoram Super League (MSL) Season 6 Hawla Indoor Stadium, Republic Vengthlangah Tuikual South leh kaithar thar Ramhlun SC inhmachhawnin Ramhlun South chuan 77-66 in Tuikual South an hneh.

Tuikual South hian March ni 10, Thawhlehni zan dar 6:30-ah Khatla TBL an hmawleh ang a, Ramhlun South hian March ni 12, Ningani zan dar 6:30-ah Chawnpui SC an hmachhawn leh ang.

Tuikual South hian kaithar Chawnpui BC an hneh hnuah Champion lai Zarkawt BCA an hneh lo a, hnehna chan ngei tumin state pawn player Darrel Bowie Darrel Bowie (30pts, 15reb, 3blk, 3stl) chuan bul a tan a, khel tha hle in double double nei mahse hnehna achanpui zo lo. Nunpuia Renthlei (10pts, 5reb, 5ast,1stl) leh F. Zodinthara,10pts, 8reb, 1ast) te sawi hmaih theih an ni bik lo. Hnehna chang turin an thawh hona that tawk loh an tuar ta a ni. Point 4 nei tawhin table-ah palina an nih chhunzawm mek a ni.

Ramhlun South hi kaithar ni mahse an game a fuh a, state pawn player Eban Hyams (14pts, 14reb, 3ast, 2stl) chuan bul tanin double double a nei a, an chakna hnar pakhat a ni. Hnehna chang turin an thawh hona a tha a, bul antan that bakah a tawp ankhar tha bawk. Lalruatpuia (25pts, 17reb, 2blk) Emmanuel Lalfakawma (16pts, 4reb, 1ast, 3stl) leh PC Lalramtiamnghaka (16pts, 3reb, 5ast, 1blk, 1stl) te hnehna an channa atan sawi hmaih theih an ni lo.

Ramhlun South hian match thum khel tawhin an match hmasa pahnihah hnehna annchang lo ve ve tawh. Chak loh nawn an tum lo tih hriat takin bul an tan tha nghal hle. A tawp thlengin an inthlah dah lo. Chak phu zawk ni chungin hnehna an chang ta a ni. Point 4 neiin table mawngphah an chhuah san ta a ni.

(adsbygoogle = window.adsbygoogle || []).push({});