17 Mar 2020 05:06

inkhel

MSL 6: Ramhlun SC hnehin TBL-in semifinal an lut

Mizoram Super League (MSL) Season 6 khelh mekah March ni 17, Thawhlehni khan Hawla Indoor Stadium, Republic Vengthlangah League round hnuhnung ber kaithar Ramhlun SC leh Khatla TBL te inkhelah Khatla TBL chuan 85-71 a Ramhlun SC hnehin semifinal an lut.

Coronavirus avanga Sorkar thu chhuah zawmin MSL 6 khel mek chu chawlh rih ani ang a, Semifinal, Relegation Battle leh Qualifying khelh hun tur chu thuchhuah siam leh a ni ang.

Ti hian semifinal lut a hriat kim tawh a, Zarkawt BCA hian point 10 neiin hmahruaitu an ni a, Khatla TBL leh Chanmari Vikings hian point 8 ve ve nei mahse goal deference-ah Chanmari Vikings an hniam zawk avangin pathumna an ni a, Tuikual South hian point 7 neiin palina an ni ta a ni. Ramhlun SC leh Chawnpui BC te hian Relegation Batle an khel dawn ta a ni.

Team pahnih te hnehna chang zawk zawk semifinal lut thei an ni tih an hria a, an that dan berin an khel. Ramhlun SC chuan foreigner player Eban Hyams chu bul an tan tir a, Eban Hyams (35pts, 15reb, 6ast, 3stl) thawh hlawk hle mahse, hnehna a chanpui thei lo. Lalruatpuia (18pts, 9reb, 3ast) leh Malsawmtluanga (13pts, 1reb, 2blk, 1ast, 1stl) te an langsar hle bawk. Hnehna chang turin bul an tan that tawk loh leh third quarter leh fourth quarter-ah an thawh hona tjat tawk loh an tuar ta a ni.

Khatla TBL pawhin hnehna chan apawimawh tih hriain Inter State player Rakesh (20pts, 10reb, 2blk, 1ast, 2stl) chu bul an tan tir a, hnehna an channa kawngah a thawh hlawk hle. An chakna hnar erawh an thawh hona that bakah Lalhmachhuana (19pts, 8reb, 8ast) Lalliansanga (10pts, 4reb, 1blk, 3ast, 3stl) leh Vanchuangpuia (Chp-a) (10pts, 4reb, 2ast, 3stl) te an thawh hlawk bawk nen chak phu zawk an chak ta a ni.

(adsbygoogle = window.adsbygoogle || []).push({});