28 Feb 2020 10:26

inkhel

​MSL 6: Khatla TBL-in Chamari Vikings an hneh

February ni 28, Zirtawpni tlai Mizoram Super League (MSL) Season 6 Hawla Indoor Stadium, Republic Vengthlangah Khatla TBL leh team thar Chanmari Vikings inkhelah Khatla TBL chuan 96-83 in Chanmari Vikings an hneh. February ni 29, Inrinni tlai 6:30-ah Khatla TBL leh kai thar Chawnpui an inhmachhawn ang a, March ni 3, Thawhlehni zan dar 6:30-ah Chanmari Vikings hian kaithar Ramhlun SC an hmachhawn ang.

Khatla TBL hian American forward Xavier Dupree leh Punjab player Arshpreet Singh Bhullar chah lutin Punjab player Arshpreet Singh Bhullar erawh BFI hrem lai a nih avangin an chhawr thei lo. American forward Xavier Dupree chuan bul tanin a che a hmuhnawm hle. An thawh hona a tha a, hnehna an chan theih nan hian H Laldinsanga (Mapuia), Xavier Dupree, Vanlalrinchhana leh Eddie Zaithanmawia te an thawh hlawk hle a, an chakna hnar an ni.

Chanmari Vikings hi MSL-ah Mission Veng Vikings ni chungin an inlan thin a, team chhia an ni lo tih erawh a hriat. State pawn player Miller lalutin bul a tan bawk. An game a hmuhnawm a, quarter hnuhnung berah tawn hriat anneih tlem zawkna a lang a, chak zawk tura rinkai ni tawh mahse vanduai zawkah an tang ta a ni. Vikings tan Raymond Miller Jr, Zonunsanga leh Michael F. Lalawmpuia te an thawh hlawk hle.

Team pahnih te tawnhriat nei tha ve ve an ni bawk a, an khel a hmuhnawm hle. Khatla TBL chuan bul tan tha zawkin first quarter-ah 31-21 in hmahruai mahse, second quarter-ah erawh Chanmari Vikings chuan lehthalin 17-7 zetin hma an hruai thung.

Third quarter-ah pawh Chanmari Vikings bawk chungnung zawkah tangin hnehna chang zawk tura rinkai zawkah tangin 28-25 in hma an hruai mahse, quarter hnuhnung berah Khatla TBL tan H Laldinsanga (Mapuia) chuan danglamna a rawn thlen ta. Eddie Zaithanmawia leh American forward Xavier Dupree te an thawh hlawk bawk nen hun atawp meuh chuan Khatla TBL chuan 33-17 a hmahruaiin hnehna an chang ta zawk a ni.

QTR 1 2 3 4 Total

TBL: 31-7- 25- 33 =96

VKS: 21-17- 28-17 =83

TBL: Jersy no1: Xavier Dupree, 31 pts, 9 rebs, 6 blocks, 2assts, 2steals

Jersy no: 11: Vanlalrinchhana, 12 pts, 4 rebs, 3 assts, 1 steals

Jersy no 7: H. Laldinsanga, 15 pts, 4 rebs, 3 assts, 2steals

Jersy no 35: Eddie Zaithanmawia, 15 pts, 8 rebs, 1 block, 3 assts, 1steals

VIKINGS: Jersy no 8: Raymond Miller Jr. 28 pts, 13 rebs, 2 blks, 3 assts

Jersy no 21: Zonunsanga, 24 pts, 5 rebs, 2 assts, 1 stl

Jersy no 1: Michael F. Lalawmpuia, 10 pts, 2 rebs, 5 assts, 1 stl