10 Mar 2020 09:48

inkhel

​MSL 6: Khatla TBL chungah Tuikual South an awm

March ni 10, Thawhlehni zan Mizoram Super League (MSL) Season 6 Hawla Indoor Stadium, Republic Vengthlangah Tuikual South leh Khatla TBL inhmachhawnin Tuikual South chuan 83-73 in Khatla TBL an hneh.

Tuikual South hian March ni 17, Thawhlehni zan dar 6:30-ah an match hnuhnung ber atan Chanmari Vikings an hmachhawn ang a, march ni 18, Nilaini zan dar 6:30-ah Khatla TBL hian an match hnuhnung ber atan kaithar Ramhlun South an hmachhawn ang.

Khatla TBL hian a zawna match hnih an chak hnuah Champion lai Zarkawt BCA an hneh lo a, match li khel tawhin point 6 an nei mek a, match khat khelh hmabak an la nei a, semifinal luh an duh chuan hnehna an chan ngei a ngai ang.

Tuikual South hian an match hmasa ber a hnehna an chan hnuah chakni hmel an hmu leh tawh lo. Match li khel tawhin point 6 an nei mek a, match khat khelh hmabak la neiin semifinal luh beiseina anla nei a ni.

Inkhel tan a ni a, Khatla TBL chuan bul tan tha zawkin hnehna chang tura rin kai zawk an ni. Hmahruaitu zawkah tangin quarter hmasa berah 15-11 in an chungnung zawk. Quarter hnihnaah Tuikual South chuan umphakin hmahruaitu zawkah an tang ta thung. Chawlhlawk anih meuh chuan Tuikual South chuan 30-10 zetin hma an hruai ta zawk a ni.

Quarter thumna tan a ni a, Khatla TBL chuan chawlhlawk an hmang tha tih hriat takin an umpha ve leh ta thung a, quarter thumna a zawh meuh chuan Khatla TBL chuan 22-15 in hma an hruai zui ta a ni. Quarter hnuhnung berah team pahnih te an inlehthal zak zak hnehna chang zawk tur rin thiam a har hle. Reife an inlehthal zak zak hnuah Tuikual South chuan 27-26 in hnehna an chang ta a ni.

Tuikual South tan Darrel Bowie (32pts, 18reb, 3stl, 2ast, 2blk) chuan double double a nei a, an chakna hnar a ni. Hnehna an channa kawngah Lalnunpuia Renthlei (16pts, 3reb, 3ast, 2stl) Eddie Zothanpuia (12pts, 3ast, 3stl) leh Dennis Lalmuanpuia (11pts, 4reb, 6stl, 2ast, 1blk) te an thawh hlawk hle bawk a, an thoh hona a tha a, chak phu zawk an chak a ni.

Khatla TBL tan Xavier Dupree (21pts, 15reb, 1ast) chuan double double neiin thawh hlawk hle mahse hnehna a chanpui thei lo a, Rakesh (10pts, 8reb, 1ast) pawh hi a khelh tha hle bawk. Hnehna chang turin quarter hnuhnung berah turnover an ngah a, an thoh hona a tha tawk lo bawk nen hnehna an chang zo ta lo a ni.

(adsbygoogle = window.adsbygoogle || []).push({});