February ni 28, Zirtawp zan Mizoram Super League (MSL) Season 6 Hawla Indoor Stadium, Republic Vengthlangah Champion lai Zarkawt BCA leh Tuikual South inkhelah Zarkawt BCA chuan 87-85 in Tuikual South an hneh. Zarkawt BCA hian match hnih khelh tawhin point 4 an nei mek a, table-ah hmahruaitu an ni mek. Tuikual South hian match hnih bawk khel tawhin point 3 an nei tawh a, table-ah pahnihna an ni ve mek bawk.
March ni 4, Nilaini zan dar 6:30-ah Zarkawt BCA hian Khatla TBL an hmachhawn ang a, March ni 6, Zirtawp zan dar 6:30-ah Tuikual South hian kaithar Ramhlun SC an hmachhawn ang.
Team pahnih te hian an match hmasa berah hnehna an chang ve ve tawh a, team tha pahnih inhmachhawn an ni bawk a, an intluk tawk hle. Zarkawt BCA hian state pawn player pathum Sowkin Shetty, Malik Price Price leh Sahaj R. patel te an ziak lut a, Malik Price Price leh Sahaj R. patel an chhawr nghal a, an che a hmuhnawm dun hle. Hnehna an channa kawngah Malik Price Price, (24pts, 11rebs, 1blk, 1asst, 1stl), Matthew Sailo, (20pts, 7rebs, 3blks, 1asst) leh Lalrina Renthlei, (15pts, 10rebs, 6 assts, 1stls) te an thawh hlawk hle a, an chakna hnar an ni.
Tuikual South hian state pawn player Amritpal Singh ziak luh mahse Visa a fel theih loh avangin an chhawr thei lo. Mizo hlangin bul an tan a, hnehna chang zawk ngei tur a rinkai an nih hnuah bul an tan that loh rah erawh an tuar ta a ni. Hnehna chang lo mahse, Zodinthara, (25pts, 6rebs, 3asst, 2stls), Lalnunpuia Renthlei, (18pts, 5rebs, 3assts, 3stls), Dennis Lalmuanpuia, (17pts, 13rebs, 1asst, 4stls) leh Lalfakzuala, (11pts, 6rebs, 4assts) te an thawhhlawk hle.
QTR 1 2 3 4 Total
BCA: 26 15 20 26=87
TKS: 14 22 13 36=85
BCA : Jersy no 11: Malik Price Price, 24pts, 11rebs, 1blk, 1asst, 1stl
Jeray no 10 : Matthew Sailo, 20pts, 7rebs, 3blks, 1asst
Jersy no 15 : Lalrina Renthlei, 15pts, 10rebs, 6 assts, 1stls
TKS: Jersy no 7 : F. Zodinthara, 25pts, 6rebs, 3asst, 2stls
Jersy no 2 : Lalnunpuia Renthlei, 18pts, 5rebs, 3assts, 3stls
Jersy no 11: Dennis Lalmuanpuia, 17pts, 13rebs, 1asst, 4stls
Jersy no 3 : Lalfakzuala, 11pts, 6rebs, 4assts
(adsbygoogle = window.adsbygoogle || []).push({});