February ni 29, Inrinni zan Mizoram Super League (MSL) Season 6 Hawla Indoor Stadium, Republic Vengthlangah kaithar Chawnpui BC leh MSL 1&2 Champion Khatla TBL inkhelah Khatla TBL chuan 88-82 in Chawnpui BC an hneh. Chawnpui BC hian March ni 5, Ningani zan dar 6:30-ah Chanmari Vikings an hmachhawn ang a, March ni 4, Nilaini zan dar 6:30-ah Khatla TBL hian Zarkawt BCA an hmachhawn ang.
Khatla TBL tan American forward Xavier Dupree chuan inkhel bul a tan a, Xavier Dupree, (33points, 20rebounds, 5assists, 2steals) chu an chakna hnar a ni. Eddie Zaithanmawia, (16points, 5rebounds, 1assists), Lalmuansanga, (11points, 6rebounds, 3assists) leh H Laldinsanga, (9points, 1rebounds, 5assists, 1steals) te an thawh hlawk hle bawk.
Chawnpui BC hian state pawn player an lak luh Harry Roop Singh an chhawr thei tawh a, inkhel bul tanin hnehna chanpui thei dinhmunah a dinpui a, quarter hnuhnung berah inhliam avangin match a khel zawm thei ta lo a, Chawnpui hian an tuar ta a ni. Chawnpui BC tan Andre Lalhruaitluanga (24points, 3rebounds, 3assists, 1steals), Harry Roop Singh (20points, 5rebounds, 5assists, 1steals) leh Laltlanhlua (16points, 6rebounds, 2assists) te an thawh hlawk hle.
Inkhel tan atangin Chawnpui hian game an thunun zawk a, quarter hmasa berah 20-15 in hma an hruai a, second quarter-ah pawh inkhel thunun chhunzawmin 23-22 in hma an hruai zui leh a, hnehna chang zawk tura rinkai an ni tawh. Chawlhlawk zawh third quarter tan a ni a, Khatla TBL insiam tha in 27-24 in anlehthal ta. Quarter hnuhnung berah Chawnpui chuan hnehna chan ngei tumin nawr let mahse, tawnhriat nei tha zawk Khatla TBL chuan hun pawimawhah basket an nei leh thin a, hun atawp meuh chuan TBL chuan 24-15 a hmahruaiin hnehna an chang ta a ni.
TBL hian tual chhung player tha an kawl nual a, champion tura rinkai zinga mi an ni. An thawh hona a tha a, hnehna an channa hnar pakhat a ni bawk. An match hmasa berah Chanmari Vikings an hneh a, Chawnpui BC hneh leh in point 4 an nei tawh a, Zarkawt BCA nen an point a in zat a ni.
Chawnpui BC hian match hnih khel tawhin an match hmasa berah Tuikual South an hneh lo a, Khatla TBL hneh lo leh in point 2 annei mek a ni. Chawnpui BC-ah hian Vengchhung player a tam zawk an ni. Game rang an khel hi ati hmuhnawm tu ber a ni. Quarter hnuhnung berah State pawn player a inhliam vangin an tuar ta a ni.
Game 5: Chawnpui BC 82-85 Khatla TBL
QTR 1 2 3 4 Total
CBC: 20 23 24 15 82
TBL: 15 22 27 24 88
CBC : J no: 20, Andre Lalhruaitluanga, 24pts, 3rebs, 3assts, 1stl
J no: 21 Harry Roop Singh, 20pts, 5rebs, 5assts,1stl
J no 7: Laltlahlua, 16pts, 6rebs, 1asst, 1stl
TBL : J no 1: Xavier Dupree* 33pts, 20rebs, 4blks, 5assts, 2stl
J no 35: Eddie Zaithanmawia* 16pts, 5rebs, 1blk, 1asst
J no 17: Lalliansanga* 11pts, 6rebs, 3asst
(adsbygoogle = window.adsbygoogle || []).push({});