March 11, 2021 (Ningani) zan Hawla Indoor Stadium-ah Mizoram Super League (MSL) season 6 final game 2 Khatla TBL leh Zarkawt BCA inkhelah Zarkawt BCA chuan 81-65 in Khatla TBL an hneh. Game 1-ah Zarkawt BCA chuan 89-80 in Khatla TBL hi an hneh tawh avangin an Lallukhum an humhim a, vawithum an champion ta a ni.

Khatla TBL chuan inkhel bul tan tha zawkin basket pawh annei hmasa zawk a, hnehna chan ngei tumin state pawn player Rakesh chuan bul atan nghal bawk. Zarkawt BCA pawhin hnehna chan ngei tumin state pawn player Sowkin Shetty chuan bul a tan ve bawk. Chak zawk tur hriat har khawp a an inhneh tawk hnuah 21-21 in first quarter hmang zo mahse, Second quarter-ah Zarkawt BCA chuan hmahruaiin 21-12 in hnehna an chang.

Third quarter-ah erawh Khatla TBL chu hmahruaitu zawk an ni a, huntawp dawn 2:43 mins ala awmin Khatla TBL player Eddie-a leh Moses-a chuan Zarkawt BCA player Sowkin Shetty an chhaih buai thinrim chu inkhel tihtawp lailawk anih bakah an pathum hian bench atanga hnawh chhuah an ni bawk. TBL an che tha zui a, 24-19 in hun an hmang zo. Quarter tawp berah hnehna chang zawk tur hriat harsa khawp a an inlehthal zak zak hnuah Zarkawt BCA chuan 20-18 a hnehna changin an champion ta a ni.

Zarkawt BCA tan Lalrina Renthlei chuab (25pts) a hlawh chhuak a, an chakna hnar pakhat anih bakah Most Valuable Player a ni a, Trophy a dawng a, sawi hmaih theih loh Zonuna (14pts) leh Rinmuanpuia (14pts) te an thawh hlawk hle bawk. Khatla TBL tan Lalhmachhuana (13pts), Vanlalrinchhana (12pts) leh Rakesh (11pts) te thawh hlawk ve bawk mahse hnehna erawh an chang zo lo.

Champion : Zarkawt BCA, Rs 2,00,000 & Trophy

Pahnihna : Khatla TBL, Rs 1,00,000/-

Pathumna : Chanmari Vikings

Palina :Tuikual South & Fairplay

Pangana : Chawnpui BC

Parukna : Ramhlun SC

Most Valuable Player : Lalrina Renthlei, BCA

Defensive Player : Dennis Lalmuanpuia, Tuikual South

Rockie :RVL Hriatrenga, Chawnpui BC