MSL 5 Champion Zarkawt BCA

15th December 2018, 05:12AM

Zarkawt BCA chuan final game 1-ah 100-77 in Tuikual South BC an hneh a, game 2-ah Tuikual South chuan 95-93 in anhneh thung a, December ni 14, Zirtawp zan khan game 3 khelh a ni a, Zarkawt BCA chuan 82-68 a hnehna changin champion no mawi an chawi a, a zawnin an champion a ni.

Zarkawt BCA tan foreigner player Cameron Anderson chuan inkhel bul tanin Tuikual South tan Desmond Medder chuan bul a tan ve bawk. Inkhel tan a ni a, Zarkawt BCA chuan bul tan tha zawkin Dennis Lalmuanpuia chuan basket hmasa ber nei mahse, huntawp dawn minute 3 ala awmin Tuikual South chuan an rawn umphak a, Tuikual South tan Desmond Medder leh F. Zodinthara an thawh hlawk hle. First quarter a tawp meuh chuan Tuikual South chuan 22-20 in hmaanhruai ta a ni.

Second quarter-ah pawh Tuikual South bawk chungnung zawkah tangin Desmond Medder a langsar hle. Zarkawt BCA tan foreigner Showkhin Shetty rawn lutin beisei pha chiah lo mahse, an thawh hona a tha a, Lalremsanga chuan basket a rawn nei bawk nen point 1 chiahin an inthlau hman. Tuikual South tan Desmond Medder leh Lalfakmawia te an che tha hle a, Second quarter a tawp meuh chuan Tuikual South chuan 37-33 a hmahruaiin chawlh lawk an hmang zui ta a ni.

Third quarter tan a ni a, Zarkawt BCA tan Cameron Anderson kut akal tan a rawn dunk ropui hle. Zarkawt BCA an phur thar an thawh hona a tha tial tial bawk. Tuikual South pawhin hnehna chan ngei tumin an nawr ve bawk. Team pahnih te hmahruai tu zawk awmlo a an innawr tawn zak zak hnuah Zarkawt BCA tan Cameron Anderson bawk rawn che thain third quarter a zawh chuan Zarkawt BCA chuan 53-51 in hmaanhruai ta a ni.

Quarter tawp berah Tuikual South insiam thain Rinchhana chuan 3 points a rawn nei zui a, hnehna an chang dawn nia a lan laiin Zarkawt BCA tan Lalrina Renthlei chuan 3 points a neih bakah Showkhin Shetty a thawh hlawh ve bawk nen hun a tawp meuh chuan Zarkawt BCA chuan 82-68 in hnehna an chang ta zawk a, Tuikual South beiseina a tham ral ta a ni.

Inkhel pumpui thlirin team pahnih te an in hneh tawk hle a, an fimkhurh dun hle bawk, foreigner an lak te an che tha a, chutih laiin Zarkawt BCA champion theihna pawh an foreigner te an ni. Zarkawt BCA tan Cameron Anderson chuan 29 point a hlawh chhuak a, Showkhin Shetty chuan 21 point hlawh chhuak ve bawkin Lalrina Renthlei chuan 14 point a hlawh chhuak ve bawk. Tuikual South tan Desmond Medder chuan 25 point neiin F. Zodinthara chuan 11 point a nei ve bawk.

Lawmman:

Champion: Zarkawt BCA, Rs 17,0000/-Trophy

Pahnihna: Tuikual South, Rs 90,000/-

Pathumna: Khatla TBL, Rs 45,000/-

Palina: Mission Veng Vikings, Rs 40,000/-

Pangana: Zarkawt Serpent, Rs 30,000/-

Parukna: BC Bethlehem, Rs 25,000/-

Mimal Lawmman

Most Valuable Player: Lalrina Renthlei, Zarkawt BCA, Trophy, Citation, Tv.

Defensive Player: Desmond Medder, Tuikual South, Rs 7,000/- Trophy

Rookie: R. Lalrinawma, Zarkawt Serpent, Rs 5,000/- Trophy

arkawt BCA Mission Veng Vikings, Rs 5,000/- Trophy

(adsbygoogle = window.adsbygoogle || []).push({});

Copyright © inkhel.com 2024. All rights reserved.