Mizoram Premier League (MPL) Under 18 League round hnuhnung ber chu November ni 9, Inrinni khan khelh a ni a, inkhel vawihnih awmin inkhel hmasa zawk semifinal lut chiang tawh Aizawl FC chuan 5-0 in Mizoram Police FC an hneh.

Inkhel hnuhnungah semifinal lut chiang tawh Ramhlun North FC chuan Daniel Rampanvara leh Lalthlengliana goal khat ve ve hmangin FC Venghnuai an hneh. Goal lut te hi second half-a lut an ni.

Tihian semifinal lut ahriat kim tawh a, Aizawl FC hian point 17 neiin hmahruitu an ni a, Chhinga Veng FC point 14 neiin pahnihna an ni. Ramhlun North FC hian point 12 neiin pathumna an ni a, Electric Veng FC hian point 11 neiin palina an ni ta a ni.

Semifinal hi November ni 11, Thawhtanni tlai dar 4:00-ah Chhinga Veng FC leh Ramhlun North FC an inhmachhawn ang a, zan dar 7:00-ah Aizawl FC leh Electric Veng FC an inhmachhawn ang.

November ni 9, Inrinniah Results

10:30 AM Aizawl FC 5-0 Mizoram Police FC

(Ricky Lalramnghaka 3', 18', 47', Jehova Lalthansanga 66', K. Lalfamkima 90')

01:00 PM FC Venghnuai 0-2 Ramhlun North FC

(Daniel Rampanvara 73', Lalthlengliana 84')

November ni 11, Thawhtanni semifinal Fixtures

04:00 PM Chhinga Veng FC vs Ramhlun North FC

07:00 PM Aizawl FC vs Electric Veng FC