October ni 25, Ningani  khan Mc Dowell's No 1 Soda Mizoram Premier League (MPL) Season 7 Under 18 Round 2 chu Rajiv Gandhi Stadium-ah khelh a ni a, inkhel vawi li a awmin inkhel hmasa berah Chawnpui FC chuan 1-0 in Bethlehem Vengthlang FC an hneh a, goal awm chhun hi second half-a lut a ni a, C Lalthlamuanawma khung a ni.

Inkhel vawihnihnaah Mizoram Police FC leh Chanmari FC te chak zawk awmlo in 2-2 in an inhneh tawk a, Mizoram Police FC tan Lalruatfela leh NG Laldinpuia chuan goal khat ve ve an khung a, Chanmari FC tan Lalhminghlua leh Zakaria Lalhriatpuia chuan goal khat ve ve an khung bawk.

Inkhel vawi thumnaah Aizawl FC leh Ramhlun North FC inkhelah Aizawl FC chuan 5 - 0 Ramhlun North FC an hneh a, Aizawl FC tan Lalremsanga chuan hattrick a siam a, Peter Lalduhawma leh Lalremruata Hauhnar chuan goal khat ve ve an khung bawk.

Inkhel hnuhnung berah Chhinga Veng FC leh Electric Veng FC inkhelah chak zawk awmlo in 2-2 in an inhneh tawk. Chhinga Veng FC tan R.Lalhmingmawia leh F.Lallawmkima chuan goal khat ve ve an khung a, Electric Veng FC tan Lalmuanpuia leh Vanlallawmtluanga chuan goal khat ve ve an khung bawk.

October ni 25, Ningani Results

09:30 AM Chawnpui FC 1 - 0 Bethlehem Vengthlang FC

(C.Lalthlamuanawma 89')

11:30 AM Mizoram Police FC 2 - 2 Chanmari FC

(Lalruatfela 23', NG. Laldinpuia 27')

(Lalhminghlua 34', Zakaria Lalhriatpuia 45')

01:00 PM Aizawl FC 5 - 0 Ramhlun North FC

(Peter Lalduhawma 15', Lalremsanga 53', 73', 84', Lalremruata Hauhnar 90+1')

02:00 PM Chhinga Veng FC 2-2 Electric Veng FC

(R.Lalhmingmawia 35', F.Lallawmkima 87')

(Lalmuanpuia 27', Vanlallawmtluanga 77')

(adsbygoogle = window.adsbygoogle || []).push({});