Mizoram Premier League (MPL) Under 18 Semifinal chu November ni 11, Thawntanni Khan khelh a ni a, Chiang Veng FC leh Aizawl FC chuan ankhingpui ve ve hnehin final an lut. Final hi November ni 12, Thawhlehni zan dar 7:00-ah khelh tur a ni. Tlai dar 4:00-ah Under 15 final inkhel entur a awm hmasa ang.
Inkhel hmasa zawk Chhinga Veng FC chuan sikhat faia Ramhlun North FC hnehin final an lut. Goal awmchhun hi second half-a lut a ni a, minute 69-ah R Swapana chuan a khung a ni.
Inkhel hnuhnungah Aizawl FC chuan 4-1 a Electric Veng FC hnehin final an lut. First half-ah Electric Veng FC chuan Zorammuana hmangin hmahrui khung mahse, Aizawl FC chuan second half-ah Malsawmzuala hmangin an siphurh an rul a, K Lalfamkima'n penalty atangin an goal hnihna a khung hnuah huntawp dawn minute 8 ala awmin Jehova Lalthansanga leh Malsawmzuala chuan goal khat ve ve an khung leh a, 4-1 in hnehna an chang zui ta a ni.
November ni 11, Thawhtanni semifinal Results
04:00 PM Chhinga Veng FC 1-0 Ramhlun North FC
(R Swapana 69')
07:00 PM Aizawl FC 4-1 Electric Veng FC
(Malsawmzela68', 83', K.Lalfamkima72', (P)
Jehova Lalthansanga 82') (Zorammuana 12')
November ni 12, Thawhlehni Final Fixtures
07:00 PM Chhinga Veng FC vs Aizawl FC
(adsbygoogle = window.adsbygoogle || []).push({});