November ni 8, Zirtawpni Mizoram Premier League (MPL) Under 18 League round hnuhnung ber Chhinga Veng FC chuan 5-2 in Chanmari FC an hneh a,  Electric Veng FC chuan 7-1 in Chawnpui FC an hneh bawk.  .

Chhinga Veng FC leh Aizawl FC hian semifinal anlut chiang tawh a, November ni 9, Inrinniah league round hnuhnung ber inkhel vawihnih a awm ang a, semifinal lut ahriat kim tawh ang.

Inkhel hmasa zawk hnuhnung ber Semifinal lut chiang tawh hmahruaitu ni mek Chhinga Veng FC leh palina Chanmari FC inkhelah Chhinga Veng FC chuan 5-2 in Chanmari FC an hneh. Chhinga Veng FC hian point 17 neiin hmahruitu annih chhunzawm a, Chanmari FC hian point 8 neiin League round ankhar a, semifinal anlut thei tawh lo.

Inkhel hnuhnung zawk semifinal luh beiseina nei tawh lo Chawnpui FC leh parukna Electric Veng FC inkhelah Electric Veng FC chuan 7-1 in Chanwpui FC an hneh a, point 11 neiin table-ah pathumna an ni mek a, November ni 9, Inrinni League round hnuhnung ber inkhel result azirin semifinal an lutin an lut lo thei a ni.

10:30 AM Chhinga Veng FC 5-2 Chanmari FC

(R. Swapana14', 43', Lalhriatpuia 39', 86', Lalrindika90') ( Khamlianthanga69', 72')

01:00 PM Chawnpui FC 1-7 Electric Veng FC

(Rony Lalrinawma5') (Stain Laltanfela10', 90', John Lalmuanpuia18', 23', HP Lalremruata34', (P) R Lalbiakhlua48', 79')

November ni 9, Inrinniah Fixtures

10:30 AM Aizawl FC vs Mizoram Police FC

01:00 PM FC Venghnuai vs Ramhlun North FC

(adsbygoogle = window.adsbygoogle || []).push({});