​MPL Season 4 Round 5

04th October 2015, 08:10PM

McDowells No 1 Soda Mizoram Premier League Round 5-na chu khelhzawh a ni ta a, Aizawl FC leh Chanmari FC te chuan an khingpui an hneh ve ve a, Chanmari West FC pawhin si khat faiin Zo United an hneh. Dinthar FC leh Bethlehem Vengthlang FC erawh 2-2 in an inhnehtawk a ni.

Aizawl FC 7-0 Luangmual FC

(Ronald Zothanzama 31’, F. Lalrinpuia 38’, 64’, 83’, 90’+3, Laldampuia 75’, 87’)


Round 4-ah hnehna chang zo lo mahse Aizawl FC an rawn tho leh a, F. Lalrinpuia chuan goal 4 teh meuh mai a khung bakah Laldamnpuia chuan goal hnih a khung a, goal hmasa ber erawh Ronald Zothanzama khung a ni.

Aizawl FC chuan khelh 5 atangin points 12 an nei mek a, League hmahruaitu an ni chhunzawm ta zel a ni.


Bethlehem Vengthlang FC 2-2 Dinthar FC

(Laldingngheta 45’, K. Lalthathanga 52’) (Samuel Laltlanthanga 37’, 58’)


Dinthar FC chuan Samuel Laltlanthanga hmangin goal khung hmasa mahse Bethlehem Vengthlang FC chuan Laldingngheta leh K Lalthathanga hmangin 2-1 in hma an hruai a, mahse BVT hian hma an hruai rei lo, 58th mins-ah Samuel Laltlanthanga bawkin Dinthar FC goal khung lehin, 2-2 in an inhnehtawk ta a ni.

Dinthar FC leh Bethlehem Vengthlang FC te hian khelh 5 atangin point 5 ve ve an nei a, Dinthar FC hian goal difference-ah -1 an neih laiin Bethlehem Vengthlang FC chuan -2 an nei a, Dinthar FC 5-na niin, BVT FC erawh 6-na an ni ta a ni.


Zo United FC 0-1 Chanmari West FC

H. Lallianzama 20’


Chanmari West FC chuan si khat faiin Zo United FC an hneh a, goal awmchhun hi Zama khung a ni. First half minute 20-na lekah Hlutea ball pek tha zet chu Lianzama hian cool takin a pet goal a, he goal hi an chakpui ta a ni.

Khelh 5 atangin Zo United chuan point 4 an nei a, table mawngphah an ni mek. Chanmari West FC erawh point 7 an nei a, table-ah 3-na an ni mek a ni.


Chanmari FC 2-1 Mizoram Police FC

(Malsawmfela 9’, Lalnunmawia 28’) (Lalfakzuala 12’)


Chanmari FC chuan box pawn atanga Malsawmfela long shot hmangin 9th mins-ah goal khung mahse Mizoram Police FC chuan Lalfakzuala hmangin 12th mins-ah an rul leh a. Minute 30 an khelh tlin hma hretin Malsawmfela cross tha zet chu Lalnunmawia chuan a pet goal leh a, he goal hi Chanmari FC chuan an chakpui ta a ni.

He match-ah hian Temama chuan penalty a thelh hlauh a, hun tawp lamah buaina tenau a chhuak a, referee chuan Chanmari FC atangin Malsawmfela a hanwtchhuak a, Mizoram Police FC atangin Nunmawia a hnawtchhuak bawk.

Khelh 5 atangin Chanmari FC chuan point 12 an hlawh chhuak ve thova, mahse Aizawl FC laka an tlawm avang khan head to head-ah Aizawl FC an chungnung ta zawk a, Chanmari FC chu pahnihna an ni mek. Mizoram Police FC chuan point 4 an nei a, table-ah 7-na an ni mek a ni.

Copyright © inkhel.com 2024. All rights reserved.