Mizoram Premier League Play off first leg chu December ni 4, 2018 khan AR Lammualah Ramhlun North FC leh Kanan FC ten an khel a, Ramhlun North FC chuan 3-1 in hnehna an chang. Second leg hi December ni 7, Zirtawpni chawhnu dar 1:30-ah khelh leh a ni ang a, MPL 8 khelh tur a hriat tawh ang.

Ramhlun North FC hi tun MPL 7-ah pasarihna niin play off an khel a, Kanan FC hi MPL qualifier-ah pahnihna an ni a, Ramhlun North FC nen hian Play off hi an khel a, hnehna chang zawk zawk hian season tharah MPL an khel ang.

01:30 PM Ramhlun North FC 3--1 Kanan FC

(Jessy Vanlalmuana 7', 41', Lalliansanga 21') (Lalbiaknia Royte 70(P)

Goal lut te hi first half leh second half-a first half-ah Ramhlun North chuan goal thum an khung a, second half-ah Kanan chuan goal khat an khung ve bawk. Goal hmasa ber hi inkhel tan a tang a minute 7-ah alut a, Ramhlun North tan Laldingngheta leh Lalremruata thawhrah sengin Jessy Vanlalmuana chuan mawi tak a tauh lutin an hmahruaina a khung.

Ramhlun North chuan minute 21-ah an hun tha hmang tangkai leh in Lalremruata ball pek tha zet chu Lalliansanga (Notea) chuan box-ah lalutin cool zetin an goal hnihna a khung leh bawk. First half huntawp dawn minute 4 ala awmin Ramhlun North tan Lalmawizuala freekick tha zet chu box chhunga awm Jessy Vanlalmuana chuan an goal thumna a khung zui leh a, Ramhlun North chuan 3-0 a hmahruaiin chawlh lawk an hmang zui ta a ni.

Second half-ah Kanan chuan goal thun ngei tumin annawr a, Electric Veng FC a tang a loan a anlak David Lalchhuanawma shot tha zet chu a goal dawn nia alan laiin goal sirah chiah a kal. Minute 70-ah Ramhlun North defender Lalmawizuala hand ball vangin Kanan chuan penalty an hlawh chhuak hlauh a, he penalty hi Lalbiaknia chuan goal-ah chantirin an goal khatna khung mahse, an siphurh erawh an sut thei lo a, Ramhlun North chuan 3-1 in hnehna an chang ta a ni.