MPL khel tur zawnna: Kanan FC leh FC Venghnuai an inhneh tawk

27th November 2018, 09:11PM

November ni 27, Thawhlehni khan Mizoram Premier League season 8 khel tur zawnna match hmasa ber Kanan FC leh FC Venghnuai inkhelah chak zawk awmlo in 2-2 an inhneh tawk a, point 1 ve ve an hlawh chhuak.

MPL khel turah hian Kanan FC, FC Venghnuai leh New Serchhip te vawi khat theuh an inkhelh kual hnuah a sang berin MPL 8 an khel ang a, pahnihna hian tun MPL 7-a pasarina ni mek Ramhlun North FC nen playoff an khel leh ang a, hnehna chang zawk zawk hian MPL 8 an khel ang.

ADFA Division I League-ah Kanan FC hi pahnihna an ni a, FC Venhhnuai te hi pathumna an ni bawk. Champion lai Aizawl FC Academy erawh an senior team te MPL khel lai an nih avangin MPL hi an khel thei rih lo a ni.

November ni 29, Ningani chawhnu dar 1:30-ah New Serchhip leh Kanan FC ten an khel leh ang a, November ni 1, Inrinni chawhnu dar 1:30-ah FC Venghnuai leh New Serchip ten an khel leh bawk ang.

01:30 PM Kanan FC 2-2 FC Venghnuai

(David Lalchhuanawma 21', (P) 71') (K. Roluahpuia 47', Isaac Ramfangzauva 90')

Goal lut te hi first hlaf leh second half-a lut an ni a, first half-ah Kanan tan penalty atangin David Lalchhuanawma goal hmahruai a khung chu second half-ah Venghnuai tan mual dinglam sir a tang a Lalruatdika ball pek tha zet chu box chhunga awm K. Roluahpuia chuan mawi takin an siphurh sutna goal a khung.

Huntawp dawnah Kanan tan freekick a tangin David Lalchhuanawma goal khung chu Venghnuai tan Isaac Ramfangzauva chuan freekick a tang bawkin an siphurh sutna a khung a, chak zawk awmlo in 2-2 a inhneh tawkin khelmual an chhuahsan ta a ni. 

(adsbygoogle = window.adsbygoogle || []).push({});

Copyright © inkhel.com 2024. All rights reserved.